பெர்த்தில் ஆண் குழந்தையைக் கொலை செய்த தாய்

பெர்த்தின் வடக்கில் தனது ஏழு மாத மகனைக் கொலை செய்ததாக ஒரு தாய் மீது குற்றம் சாட்டப்பட்டுள்ளது. 

நேற்று அதிகாலை 3.10 மணியளவில் பால்கட்டாவில் உள்ள ஒரு வீட்டிற்கு அவசர சேவைகள் அழைக்கப்பட்டன. குழந்தை கத்திக்குத்து காயங்களுடன் காணப்பட்டு இறந்துவிட்டதாக அறிவிக்கப்பட்டது.

அந்த நேரத்தில் குடும்பத்தினர் வீட்டில் இருந்ததாகவும், குழந்தையின் டீனேஜ் சகோதரி அண்டை வீட்டாரிடம் ஓடி வந்து எச்சரிக்கை விடுத்ததாகவும் ஊடகங்களில் தெரிவித்தனர்.

அந்தத் தாய் போலீஸ் பாதுகாப்பின் கீழ் Sir Charles Gairdner மருத்துவமனைக்குக் கொண்டு செல்லப்பட்டார்.

குறித்த தாய்க்கு போதைப்பொருட்களில் சிக்கல்கள் இருந்திருக்கலாம் என்று நம்பப்படுவதாக பொலிஸார் கூறினார்.

மூன்று வாரங்களுக்கு முன்பு, அக்கம்பக்கத்தினர் அலறல் சத்தம் கேட்டபோது, போலீசார் வீட்டிற்கு அழைக்கப்பட்டதாகப் புரிந்து கொள்ளப்படுகிறது, அவர்களில் ஒருவர் ஆண் குழந்தை பாதுகாப்பாக இருக்கிறதா என்பதை உறுதிப்படுத்த உள்ளே சென்றார்.

இன்று, கொலைக் குழு 31 வயது தாய் மீது கொலைக் குற்றச்சாட்டு சுமத்தியதோடு, நாளை பெர்த் மாஜிஸ்திரேட் நீதிமன்றத்தில் ஆஜர்படுத்தப்படுவாள்.