குயின்ஸ்லாந்தில் வயதுக்குட்பட்ட சிறுமிகளை பாலியல் வன்கொடுமைக்கு ஆளாக்கியதாக குற்றம் சாட்டப்பட்ட காமன்வெல்த் வங்கி நிர்வாகி ஒருவர் இறந்து கிடந்தார்.
புதன்கிழமை பிற்பகல் மாநிலத்தின் தென்கிழக்கில் உள்ள Springbrook தேசிய பூங்காவில் 50 வயதான Christopher James McCann இறந்து கிடந்தார்.
16 வயதுக்குட்பட்ட குழந்தைகளை இணையத்தில் பயன்படுத்தி பாலியல் தொழிலில் ஈடுபட்டதாக ஒரு குற்றச்சாட்டு சுமத்தப்பட்ட பின்னர் அவர் ஜாமீனில் விடுவிக்கப்பட்டார்.
இந்த மரணத்தை சந்தேகத்திற்கு இடமில்லாததாகக் கருதுவதாக போலீசார் தெரிவித்தனர்.
சிட்னியை தளமாகக் கொண்ட McCann, ஜூலை 10 அன்று NSW காவல்துறையினரால் கைது செய்யப்பட்ட பின்னர் குயின்ஸ்லாந்திற்கு நாடு கடத்தப்பட்டார்.
இந்தக் குற்றச்சாட்டுகளின் விளைவாக, காமன்வெல்த் வங்கியில் உயர் பதவி வகித்த கார்ப்பரேட் நிதி நிர்வாகியின் பணி நீக்கப்பட்டது.
திங்களன்று McCann பிரிஸ்பேர்ண் கைது நீதிமன்றத்தை எதிர்கொண்டார். அப்போது மாஜிஸ்திரேட் Louise Shephard, 14 அல்லது 15 வயதுடைய இரண்டு சிறுமிகளின் சேவைகளை வழங்குவதற்காக பிரிஸ்பேர்ண் பாலியல் தொழிலாளி Shauntelle Elizabeth Went (18) என்பவரை ஈடுபடுத்தியதாகக் கூறப்படும் “மிகவும் கடுமையான குற்றம்” செய்ததாக McCann மீது குற்றம் சாட்டப்பட்டதாகக் கூறினார்.
