மணமகன் ஒருவர் தனது திருமணத்திற்குச் சென்று கொண்டிருந்தபோது விபத்தில் படுகாயமடைந்துள்ளார்.
நியூ சவுத் வேல்ஸின் Hunter Valley பகுதியில் உள்ள Mount View சாலையில் அவரும் அவரது குடும்பத்தினரும் பயணித்த வாடகை மினிபஸ் சாலையை விட்டு விலகி கவிழ்ந்ததாக தெரிவிக்கப்படுகிறது.
அந்த நேரத்தில் வாகனத்தில் ஆறு பேர் பயணம் செய்தனர். அதில் மணமகன் உட்பட இருவர் படுகாயமடைந்தனர்.
மீதமுள்ள நால்வருக்கும் லேசான காயம் ஏற்பட்டதாகக் கூறப்படுகிறது.
சம்பவ இடத்திற்கு 9 ஆம்புலன்ஸ்கள் மற்றும் 2 அவசர ஹெலிகாப்டர்கள் அனுப்பப்பட்டன.
இதற்கிடையில், வாகன ஓட்டுநர் மீது கட்டாய இரத்த மற்றும் மது பரிசோதனைகள் நடத்தப்படும் என்று போலீசார் கூறுகின்றனர்.
