அரசாங்கம் பொருளாதார வளர்ச்சியைத் தூண்ட உதவும் வழிகளைத் தேடுவதால், நியூசிலாந்து தனது மிகவும் பிரபலமான சுற்றுலா தலங்களான Milford Track மற்றும் Mount Cook ஆகியவற்றைப் பார்வையிட சுற்றுலாப் பயணிகளுக்கு $NZ40 ($A37) வரை கட்டணம் வசூலிக்க முடிவு செய்துள்ளது.
பிரதம மந்திரி Chris Luxon 1987 ஆம் ஆண்டு பாதுகாப்புச் சட்டத்தை சீர்திருத்துவதற்கான ஒரு திட்டத்தை முன்வைத்தார். இதன் மூலம் அரசாங்கம் சுற்றுலாத் துறையை மேம்படுத்தவும், பிரபலமான தளங்களில் கட்டணங்களை நிர்ணயிக்கவும் புதிய சலுகைகள் முறையை நிறுவுவதை நோக்கமாகக் கொண்டுள்ளது.
“நியூசிலாந்தின் மூன்றில் ஒரு பங்கு நிலத்தில் பொருளாதார வளர்ச்சியை கட்டவிழ்த்து விடுவது வேலைகளை உருவாக்கும் மற்றும் நாடு முழுவதும் ஊதியத்தை அதிகரிக்கும்” என்று Luxon ஒரு அறிக்கையில் தெரிவித்தார்.
2024 ஆம் ஆண்டில், நியூசிலாந்து சுமார் மூன்று மில்லியன் சுற்றுலாப் பயணிகளை வரவேற்றது, இது முந்தைய ஆண்டை விட 13 சதவீதம் அதிகமாகும்.
பொது சேவைகளைப் பராமரிப்பதற்கும் தேசிய பாரம்பரியத்தைப் பாதுகாப்பதற்கும் ஆகும் செலவை ஈடுசெய்ய உதவும் வகையில், ஒக்டோபரில், NZ சுற்றுலாப் பயணிகளுக்கான நுழைவுக் கட்டணத்தை மூன்று மடங்காக $NZ100 ஆக உயர்த்தியது.
சேர்க்கை கட்டணம் எப்போது தொடங்கும் என்பதை அரசாங்கம் இன்னும் குறிப்பிடவில்லை, இருப்பினும் NZ ஊடகங்கள் இது 2027 இல் இருக்கும் என்று ஊகிக்கின்றன.
