பிரான்ஸ் ஜனாதிபதி இமானுவேல் மக்ரோன் 2007 இல் தன்னை விட 25 வயது மூத்த பிரிஜிட்டை (72 வயது) என்பவரை திருமணம் செய்துகொண்டார்.
இமானுவேல் மக்ரோன் ஒரு மாணவராக இருந்தபோது அவரது மனைவி பிரிஜிட் மக்ரோன் பாடசாலை ஆசிரியையாக இருந்தார். இதற்கிடையே மக்ரோன் ஒரு வினோதமான பிரச்சினையை எதிர்கொண்டுள்ளார்.
அவர் தனது மனைவி ஒரு ஆண் அல்ல பெண் தான் என அமெரிக்க நீதிமன்றத்தில் நிரூபிக்க வேண்டிய சூழல் ஏற்பட்டுள்ளது.
மக்ரோன் உடைய மனைவியும் பிரான்சின் முதல் பெண்மணியுமான பிரிஜிட் மக்ரோன் ஒரு காலத்தில் ஆணாக இருந்ததாகவும், பாலின மாற்றத்திற்கு உட்பட்டு பெண்ணாக மாறியதாகவும் வெளியான கருத்துக்கள் 2017ஆம் ஆண்டு முதல் சர்ச்சையை ஏற்படுத்தியது.
நடாஷா ரே என்பவர் வெளியிட்ட யூடியூப் காணொளியில் பிரிஜிட் மக்ரோனின் உண்மையான பெயர் ஜீன்-மைக்கேல் ட்ரோக்னக்ஸ் என்று கூறினார்.
மேலும் பிரிஜிட் உடைய சகோதரனின் புகைப்படம் என்று நம்பப்படும் ஒன்றை பகிர்ந்து அதனுடன் ஒப்பிட்டு இருவரும் வெவ்வேறு ஆட்கள் இல்லை, இருவரும் ஒரே நபர் தான் எனவும் காணொளியில் நடாஷா கூறியிருந்தார்.
இதுதொடர்பான பிரான்ஸ் நீதிமன்றத்தில் அவதூறு வழக்கு ஒன்று தாக்கல் செய்யப்பட்டு, நாடாஷாவுக்கு அபராதம் விதிக்கப்பட்டு பின்னர் அந்த உத்தரவு இரத்து செய்யப்பட்டது.
இதற்கிடையே, அமெரிக்க தீவிர வலதுசாரி அரசியல் விமர்சகர் கேண்டஸ் ஓவன்ஸ் பிரிஜிட் மக்ரோன் ஒரு ஆண் என்று பேசி வந்தார்.
அவருக்கு எதிராக மக்ரோன் தம்பதியினர் அமெரிக்க நீதிமன்றத்தில் அவதூறு வழக்கு தாக்கல் செய்தனர்.
வழக்கின் ஒரு பகுதியாக, பிரிஜிட் மக்ரோன் கர்ப்பம் தரித்திருந்தபோது எடுக்கப்பட்ட புகைப்படங்கள் மற்றும் பிற அறிவியல் ஆதாரங்களை அமெரிக்க நீதிமன்றத்தில் சமர்ப்பிக்க உள்ளதாக மக்ரோனின் வழக்கறிஞர் டாம் கிளேர் தற்போது தெரிவித்துள்ளார்.
