ஆஸ்திரேலியர்கள் விரைவில் முதல் புதிய 3D-அச்சிடப்பட்ட வீடுகள் கட்டப்படுவதைக் காண முடியும். இது நாட்டின் வீட்டுவசதி நெருக்கடிக்கு ஒரு தீர்வை வழங்கும்.
Ballarat-இற்கு வெளியே உள்ள Winter Valley நகரில் கட்டுமானத்தில் உள்ள புதிய 3D-அச்சிடப்பட்ட வீட்டின் பணிகள் தற்போது இறுதி கட்டத்தை எட்டியுள்ளதாக தெரிவிக்கப்படுகிறது.
மெல்பேர்ண் CBD யிலிருந்து வடமேற்கே சுமார் 121 கிலோமீட்டர் தொலைவில் அமைந்துள்ள இந்த வீடு இரண்டு படுக்கையறைகள் மற்றும் இரண்டு குளியலறைகளைக் கொண்டிருக்கும்.
Swinburne பல்கலைக்கழக பொறியாளர்கள் மற்றும் Oasis கட்டிடக் குழுமத்துடன் இணைந்து கட்டுமானப் பணிகள் மேற்கொள்ளப்படுகின்றன.
Oasis கட்டிடக் குழுமத்தின் இயக்குநரான Ash Quiddington, தனது பகுதியில் “இதைக் கட்ட முடிந்ததில் மகிழ்ச்சி அடைவதாகக்” கூறினார்.
கட்டுமான நேரத்தை 50 சதவீதம் விரைவுபடுத்துவதன் மூலம், தற்போதுள்ள தொழிலாளர்களைப் பயன்படுத்தி வீட்டுவசதிக்கான தேவையை பூர்த்தி செய்ய முடியும் என்றும் Quiddington கூறினார்.
இந்த 3D-அச்சிடப்பட்ட சுவர் அமைப்பு ஒரு நிலையான செங்கல் மற்றும் மர வீட்டை விட 60 சதவீதம் வலிமையானது என்றும், இதனால் வாடிக்கையாளர் குறைந்த செலவில் ஒரு வீட்டைக் கட்ட முடியும் என்றும் அவர் மேலும் கூறினார்.
