உலகளவில் பிரபலமான Afterpay சேவை தற்போது ஒரு பெரிய தொழில்நுட்ப சிக்கலை சந்தித்து வருகிறது.
இந்த இடையூறு காரணமாக உலகம் முழுவதும் மில்லியன் கணக்கான பயனர்கள் பணம் செலுத்த முடியாமல் தவிப்பதாக தெரிவிக்கப்பட்டுள்ளது.
Afterpay என்பது வாடிக்கையாளர்கள் பொருட்களை வாங்கி நான்கு வட்டி இல்லாத தவணைகளில் செலுத்த அனுமதிக்கும் ஒரு சேவையாகும்.
நேற்று பிற்பகல் 2:00 மணி முதல் செயலி, நுகர்வோர் மற்றும் வணிகர் போர்டல் உள்ளிட்ட அனைத்து சேவைகளும் முடங்கியுள்ளன.
இந்தப் பிரச்சினை ஆஸ்திரேலியா, நியூசிலாந்து, வட அமெரிக்கா மற்றும் கனடா உள்ளிட்ட பல நாடுகளைப் பாதித்துள்ளதாகவும் தெரிவிக்கப்பட்டுள்ளது.
ஆஸ்திரேலியாவில் மட்டும் சுமார் 3.5 மில்லியன் வாடிக்கையாளர்களும், உலகளவில் 24 மில்லியனுக்கும் அதிகமான பயனர்களும் உள்ளனர்.
இந்த சூழ்நிலையை விரைவாக தீர்க்க Afterpay குழு செயல்பட்டு வருவதாக நிறுவனத்தின் செய்தித் தொடர்பாளர் தெரிவித்தார்.
