COVID-19 mRNA தடுப்பூசி புற்றுநோய் நோயாளிகள் நீண்ட காலம் வாழ உதவும் என்று ஒரு ஆய்வு கண்டறிந்துள்ளது.
சிகிச்சையைத் தொடங்கிய 100 நாட்களுக்குள் COVID-19 mRNA தடுப்பூசியைப் பெற்ற நுரையீரல் அல்லது தோல் புற்றுநோயால் பாதிக்கப்பட்ட நோயாளிகள், சிகிச்சை பெறாதவர்களை விட இரண்டு மடங்கு நீண்ட காலம் வாழ்ந்ததாக அமெரிக்க ஆராய்ச்சியாளர்கள் கண்டறிந்துள்ளனர்.
Texas பல்கலைக்கழக MD Anderson புற்றுநோய் மையத்தின் ஆய்வின்படி, நுரையீரல் புற்றுநோய் நோயாளிகளின் சராசரி உயிர்வாழ்வு விகிதம் மூன்று ஆண்டுகள் அதிகரித்துள்ளது, அதே நேரத்தில் தோல் புற்றுநோய் நோயாளிகள் 40 மாதங்கள் வரை கூடுதல் ஆயுளைப் பெற்றுள்ளனர்.
கோவிட்-19 mRNA தடுப்பூசிகள் பல புற்றுநோய் சிகிச்சைகளைப் போலவே செயல்படுகின்றன. நோயெதிர்ப்பு அமைப்பு புற்றுநோய் செல்களை அடையாளம் கண்டு அவற்றை எதிர்த்துப் போராட உதவுகிறது என்று குயின்ஸ்லாந்து பல்கலைக்கழகத்தின் இணைப் பேராசிரியரான சேத் சீதம் கூறுகிறார்.
புற்றுநோய் செல்கள் பெரும்பாலும் நோயெதிர்ப்பு மண்டலத்திலிருந்து மறைக்க முயற்சி செய்கின்றன. ஆனால் mRNA தடுப்பூசிகள் நோயெதிர்ப்பு மண்டலத்தை விரைவாக எழுப்பி புற்றுநோய் செல்களை எதிர்த்துப் போராடத் தூண்டுகின்றன என்று அவர் மேலும் சுட்டிக்காட்டுகிறார்.
கோவிட் mRNA தடுப்பூசியைப் பெற்றவர்களின் இரத்தத்தில், ஒரு நாளுக்குள் இயற்கையான Antiviral எச்சரிக்கைப் பொருளான Interferon-இன் அளவு கூர்மையாக அதிகரித்ததாகவும், நோயெதிர்ப்பு செல்கள் மிகவும் விழிப்புடன் இருப்பதாகவும் ஆய்வில் தெரியவந்துள்ளது.
இந்த உறுதிப்படுத்தும் சோதனைகள் வெற்றியடைந்தால், COVID-19 mRNA தடுப்பூசிகள் புற்றுநோய்க்கு சிகிச்சையளிக்க ஒரு பயனுள்ள மற்றும் சக்திவாய்ந்த தேர்வாக இருக்கும் என்று நிபுணர்கள் நம்புகின்றனர்.
