இந்த மாதம் லூவ்ரே அருங்காட்சியகத்தில் நடந்த நகை திருட்டு தொடர்பாக பிரெஞ்சு போலீசார் ஐந்து நபர்களை கைது செய்துள்ளனர். அதில் ஒரு முக்கிய சந்தேக நபரும் அடங்குவர் என்று பாரிஸ் வழக்கறிஞர் தெரிவித்துள்ளார்.
DNA சான்றுகள் முக்கிய சந்தேக நபரை திருட்டுடன் தொடர்புபடுத்துவதாக அந்நாட்டு பொலிஸார் தெரிவித்தனர். எனினும் 88 மில்லியன் யூரோக்கள் ($156.6 மில்லியன்) மதிப்புள்ள கொள்ளைப் பொருட்கள் எதுவும் கண்டுபிடிக்கப்படவில்லை என்றும் கூறப்படுகிறது.
பாரிஸ் மற்றும் அதைச் சுற்றியுள்ள பகுதிகளில், குறிப்பாக பிரெஞ்சு தலைநகருக்கு வெளியே உள்ள Seine-Saint-Denis-இல், ஒருங்கிணைந்த சோதனைகளின் போது புதன்கிழமை இந்த ஐந்து கைதுகள் நடந்தன.
கைது செய்யப்பட்டவர்களில் இருவர் பேரும் 30 வயதுடையவர்கள், அவர்கள் மீது குற்றப் பதிவுகள் உள்ளன. அவர்களில் ஒருவர் அல்ஜீரியாவுக்கு விமானத்தில் ஏற முயன்றபோது கைது செய்யப்பட்டார்.
வெறும் ஏழு நிமிடங்களில் இடம்பெற்ற இந்த கொள்ளைச் சம்பவம் பிரான்ஸை உலுக்கியது. தற்போதுவரை திருடப்பட்ட நகைகள் கைப்பற்றப்படவிலை. கைது நடவடிக்கைகள் மட்டுமே முன்னெடுக்கப்பட்டுள்ளது.
