மோசடி மற்றும் scam குறுஞ்செய்திகளால் iPhone-ஐ விட Android பயனர்கள் பாதிக்கப்படுவது 58% குறைவாக இருப்பதாக ஆய்வுகளில் தெரியவந்துள்ளது.
இந்த ஆய்வானது Google நிறுவனத்தால் YouGov என்ற நிறுவனத்துடன் இணைந்து நடத்தப்பட்டது.
இதில் அமெரிக்கா, இந்தியா மற்றும் பிரேசில் ஆகிய மூன்று நாடுகளில் உள்ள 5,000க்கும் அதிகமான smartphone பயனர்கள் ஆய்வுக்கு உட்படுத்தப்பட்டனர்.
இந்த ஆய்வின் மூலம், ஒரு வாரத்தில் மூன்று அல்லது அதற்கு மேற்பட்ட மோசடி குறுஞ்செய்திகளை iOS பயனர்கள் பெற்றதாக தெரியவந்துள்ளது.
இதற்கான காரணம், Android சாதனங்களில் உள்ள Google Messages, Phone by Google போன்ற பயன்பாடுகள், குறுஞ்செய்திகள் வழியாக வரும் scam நடவடிக்கைகளை முடக்கும் வகையில் AI அடிப்படையிலான பல பாதுகாப்புகளை கொண்டுள்ளன.
மாதத்திற்கு 10 பில்லியனுக்கும் மேற்பட்ட சந்தேகமான அழைப்புகள் அல்லது குறுஞ்செய்திகள் Android சாதனங்கள் மூலம் தடுக்கப்படுகின்றன என்று Google தெரிவித்துள்ளது.
ஆனால் iOS சாதனங்களில் இவ்வாறான நடவடிக்கைகள் இல்லாததின் காரணமாக iPhone பயனர்கள் அதிகம் Spam குறுஞ்செய்திகளால் பாதிக்கப்படுவதாக Google தெரிவித்துள்ளது.
