14 வயது சிறுவனைப் போல நடித்து இரண்டு சிறுவர்களுக்கு பாலியல் ரீதியான செய்திகளை அனுப்பியதாகக் கூறப்படும் 31 வயது ரிவர்டன் நபர் நீதிமன்றத்தில் ஆஜரானார்.
செப்டம்பர் 1 முதல் 7 வரை, ஜூண்டலப்பில் உள்ள ஒரு ஷாப்பிங் சென்டரில் அவர்களைச் சந்திப்பதற்கு முன்பு, 13 முதல் 15 வயதுடைய இளைஞர்களுடன் தொடர்பு கொள்ள குறித்த நபர் சமூக ஊடகங்களைப் பயன்படுத்தியதாகக் கூறப்படுகிறது.
குறித்த நபர் அந்த இடத்தை விட்டு ஓடிவிட்டதாகவும், அந்த இளைஞர்கள் தங்கள் வீடியோ பதிவின் ஒரு பகுதியை சமூக ஊடகங்களில் பதிவேற்றியதாகவும் நீதிமன்றத்தில் தெரிவிக்கப்பட்டது.
குழந்தை சுரண்டல் நடவடிக்கைப் பிரிவின் விசாரணைக்குப் பிறகு, ஜப்பானில் விடுமுறையிலிருந்து திரும்பிய அவர் வியாழக்கிழமை பெர்த் விமான நிலையத்தில் கைது செய்யப்பட்டார்.
16 வயதுக்குட்பட்ட ஒருவரை பாலியல் செயலில் ஈடுபட வைக்கும் நோக்கில் மின்னணு தகவல்தொடர்புகளைப் பயன்படுத்தியதாக அவர் மீது குற்றம் சாட்டப்பட்டுள்ளது.
அவர் ஆஸ்திரேலியாவில் நிரந்தர குடியிருப்பாளர் அல்ல என்றும், வேலை விசாவில் பெர்த்தில் வசித்து வருவதாகவும் நீதிமன்றத்தில் மேலும் தெரிவிக்கப்பட்டது.
