WhatsApp செயலி தற்போது உலக அளவில் அதிகம் பேர் பயன்படுத்தும் சமூக வலைத்தளங்களில் ஒன்றாக உள்ளது. ஸ்மார்ட் போன் வைத்திருப்பவர்கள் கண்டிப்பாக பயன்படுத்தும் ஒரு செயலியாக உள்ள WhatsApp, பயனர்களை கவர புதுப் புதுப் updateகளை வெளியிட்டு வருகின்றது.
தொடக்கத்தில் குறுஞ்செய்தி மட்டுமே அனுப்பும் தளமாக இருந்த WhatsApp செயலி, பின்னர் பல்வேறு updateகளை கொடுத்தது. WhatsApp-இல் ஆடியோ, வீடியோ கால் வசதி, பாடல்களை ஸ்டேடஸ் ஆக வைக்கும் வசதி என WhatsApp updateகளை வெளியிட்டுள்ளது.
அந்த வகையில், தற்போது பயனர்கள் நீண்ட நாட்களாக எதிர்பார்த்த ஒரு update வந்துள்ளது.
அதாவது, WhatsApp குழுக்களில் இருந்து வெளியேறும்போது, குழுவில் உள்ள பிறருக்கு தெரியாமல் வெளியேறும் வசதி அறிமுகம் ஆகியுள்ளது.
தற்போது வரை குழுவில் இருந்து வெளியேறினால், குழுவில் இருக்கும் பிறருக்கு வெளியேறிய உறுப்பினர் யார் என்பது காட்டிவிடும். இதனை மாற்றி, யாருக்கும் தெரியாமல் வெளியேறும் வசதி கொண்டு வரப்பட்டுள்ளது.
Meta நிறுவனம் கொண்டு வந்த இந்த வசதி, பயனர்கள் மத்தியில் பெரும் வரவேற்பை பெற்றுள்ளது.
