‘ஜனநாயகன்’ திரைப்படம் வெளியாவதில் சிக்கல் ஏற்பட்டுள்ளதாக தகவல் கிடைத்துள்ளது.
அதாவது, ஆந்திரா, தெலங்கானாவில் ஜனநாயகன் படத்தை வெளியிடவிருந்த தயாரிப்பு நிறுவனம் பின்வாங்கியுள்ளதாகவும் பிற தெலுங்கு படங்கள் வெளியாக இருப்பதால் படத்திற்கு போதுமான தியேட்டர்கள் கிடைப்பதில் சிக்கல் ஏற்பட்டுள்ளதாகவும் தகவல் கிடைத்துள்ளது.
அதேபோல் இந்தியிலும் இதுவரை பெரியளவில் புரோமோஷன் செய்யாததால், அங்கேயும் மிக குறைவான தியேட்டர்களிலேயே வெளியாகும் என்றும் கூறப்படுகின்றது. இதனால், படத்தின் வசூலில் பெரிய அளவில் பாதிப்பு ஏற்படும் என்று சினிமா வட்டாரங்களில் பேசப்படுகின்றது.
இந்த படத்தின் இசை வெளியீட்டு விழா மலேசியாவின் கோலாலம்பூரில் வரும் 27ஆம் திகதி பிரமாண்டமாக நடைபெறவுள்ளதாக படக்குழு தெரிவித்துள்ளது.
இப்படத்தில் டிரெய்லர் வருகிற 2026 ஜனவரி முதலாம் திகதி டிரெய்லர் வெளியாகும் என்று தகவல் கிடைத்துள்ளது. இதற்கிடையில் ‘ஜன நாயகன்’ படத்திற்கான வெளிநாட்டு டிக்கெட் முன்பதிவுகள் தொடங்கியுள்ளமை குறிப்பிடத்தக்கது.
