காவல்துறையினரைத் தாக்கியதற்காக இளைஞர் ஒருவர் கைது

நியூ சவுத் வேல்ஸில் உள்ள Bawley கடற்கரையில் இரண்டு காவல்துறை அதிகாரிகளைத் தாக்கி காயப்படுத்திய 21 வயது இளைஞர் ஒருவர் கைது செய்யப்பட்டுள்ளார்.

அந்த இளைஞர் நிர்வாணமாக இருந்து வன்முறையில் ஈடுபட்டிருந்தபோது இந்த தாக்குதல் நடத்தப்பட்டதாக தெரிவிக்கப்படுகிறது.

கடந்த வெள்ளிக்கிழமை இரவு ஒரு நபரின் நலனை விசாரிக்க வந்த அதிகாரிகளை இந்த இளைஞன் முதலில் தாக்கினான்.

அவரைக் கைது செய்ய முயன்றபோது, ​​ஒரு பெண் அதிகாரியின் தலையில் அடிபட்டது. பின்னர் ஒரு ஆண் அதிகாரி முகத்தில் உதைக்கப்பட்டதில் அவர் படுகாயமடைந்தார்.

மிகவும் வன்முறையில் நடந்து கொண்ட இந்த நிர்வாண இளைஞனைக் கட்டுப்படுத்த காவல்துறையினர் Pepper spray-ஐ கூட பயன்படுத்த வேண்டியிருந்தது.

காயமடைந்த காவல்துறை அதிகாரி தற்போது மருத்துவமனையில் சிகிச்சை பெற்று வருகிறார்.

கைது செய்யப்பட்ட சந்தேக நபர் மீது காவல்துறையினரின் கடமைக்கு இடையூறு விளைவித்தல் மற்றும் அதிகாரிகளுக்கு கடுமையான காயங்களை ஏற்படுத்துதல் உள்ளிட்ட பல குற்றச்சாட்டுகள் சுமத்தப்பட்டுள்ளன.

அவர் 23 ஆம் திகதி நீதிமன்றத்தில் ஆஜராக வேண்டும்.