தெற்கு ஆஸ்திரேலியாவின் அடிலெய்டில் இருந்து Port Lincoln-இற்கு சென்ற QantasLink விமானம் இரண்டு முறை திருப்பி விடப்பட்டதால் பயணிகள் ஆறு மணி நேரம் தாமதமாகினர்.
அந்த விமானம் நேற்று காலை 7.55 மணிக்கு அடிலெய்டு விமான நிலையத்திலிருந்து புறப்பட்டது, ஆனால் பறவை மோதியதால் ஒரு மணி நேரம் கழித்து விமான நிலையத்திற்குத் திரும்பியது.
விமானம் சுமார் ஒரு மணி நேரம் நிறுத்தி வைக்கப்பட்டு, பின்னர் மீண்டும் பறக்க அனுமதிக்கப்பட்டது.
ஆனால் இரண்டாவது முறையாக பயணிக்கும்போது, தொழில்நுட்பக் கோளாறு காரணமாக விமானம் திரும்பிச் சென்றது.
இந்த சம்பவம் Seinfeld தொலைக்காட்சி நிகழ்ச்சியிலிருந்து வந்ததைப் போன்றது என்று பயணி Barry Stribler கூறுகிறார்.
இரண்டாவது முறையாக விமானத்திலிருந்து இறங்கும்போது, பயணிகளிடம் விமானி தனிப்பட்ட முறையில் மன்னிப்பு கேட்டதாகவும் அவர் கூறினார்.
இன்னொரு விமானத்தை விரைவில் வழங்கியிருக்கலாம் என்பது அவரது கருத்து.
இறுதியில், பயணிகள் வேறொரு விமானத்திற்கு மாற்றப்பட்டனர், அதே நேரத்தில் பொறியாளர்கள் முதல் விமானத்தை ஆய்வு செய்தனர்.
6 மணி நேர காத்திருப்புக்குப் பிறகு, முந்தைய விமானம் இறுதியாக மதியம் 2 மணியளவில் புறப்பட்டது.
இந்த தாமதத்தால் தனது நெருங்கிய நண்பரின் திருமணத்தைத் தவறவிட்டதாக மற்றொரு பயணி கூறினார்.
தாமதத்திற்கு Qantas மன்னிப்பு கேட்டதுடன், பயணிகளின் பாதுகாப்புதான் அவர்களின் முதன்மையான முன்னுரிமை என்று பயணிகளிடம் வலியுறுத்தியது .
