ஆஸ்திரேலியாவில் பிரபல பாதாள உலக நபரான Tony Mokbel, தனக்கு எதிராகப் பதிவு செய்யப்பட்ட அனைத்து குற்றச்சாட்டுகளிலிருந்தும் விடுவிக்கப்பட்டுள்ளார்.
நேற்று மெல்பேர்ண் உச்ச நீதிமன்றத்தில் ஆஜரானபோது, அவருக்கு எதிராக தொடரப்பட்ட கடைசி வழக்கிலிருந்து அவர் விடுவிக்கப்பட்டதாகவும், அதன்படி, நேற்று முதல் அவருக்கு முழு விடுதலை வழங்கப்படும் என்றும் தெரிவிக்கப்படுகிறது.
போதைப்பொருள் கடத்தல் குற்றச்சாட்டுக்கு உள்ளான அவர் மீது கடைசியாகப் பதிவு செய்யப்பட்ட வழக்கு, நீண்ட விசாரணைக்குப் பிறகு வாபஸ் பெறப்படும் என்று வழக்கைத் தாக்கல் செய்த தரப்பு நீதிமன்றத்தில் தெரிவித்திருந்தது.
60 வயதான அவர் 2007 முதல் கிட்டத்தட்ட 20 ஆண்டுகளாக சிறையில் உள்ளார். கடைசியாக கிரேக்கத்தில் உள்ள ஒரு உணவகத்தில் கைது செய்யப்பட்டார்.
நீதிமன்றத்தை விட்டு வெளியேறியதும், தனது எதிர்கால வாழ்க்கை அழகாக இருக்கும் என்றும், வேறொரு நாட்டிற்குச் சென்று வாழ விரும்புவதாகவும் அவர் ஊடகங்களுக்குத் தெரிவித்தார்.
மேலும், நடந்த எதற்கும் தான் வருத்தப்படவில்லை என்றும் அவர் கூறினார்.
