மெல்பேர்ணின் மேற்கில் உள்ள ஒரு தேவாலயம் இரவில் தீப்பிடித்ததை அடுத்து, ஒருவர் போலீஸ் காவலில் உள்ளார்.
ஞாயிற்றுக்கிழமை அதிகாலை 1 மணிக்குப் பிறகு, மெல்பேர்ண் CBD க்கு மேற்கே எட்டு கிலோமீட்டர் தொலைவில் உள்ள Christ Maidstone தேவாலயம் தீப்பிடித்து எரிந்ததாக வந்த தகவலைத் தொடர்ந்து, காவல்துறையினரும் தீயணைப்பு வீரர்களும் அங்கு அழைக்கப்பட்டனர்.
சம்பவம் நடந்த நேரத்தில் தேவாலயத்திற்குள் யாரும் இல்லை என்றும், ஆனால் கட்டிடத்தின் முன்பக்கத்திலும் கூரையிலும் ஏற்பட்ட தீயை தீயணைப்பு வீரர்கள் கட்டுப்படுத்த வேண்டியிருந்தது என்றும் போலீசார் தெரிவித்தனர்.
தீயணைப்பு வீரர்கள் தீயை அணைத்தாலும் தேவாலயத்திற்கு பெரும் சேதம் ஏற்பட்டது. யாருக்கும் காயம் ஏற்படவில்லை என்று தெரிவிக்கப்பட்டது.
தீ விபத்து சந்தேகத்திற்குரியது என்று அதிகாரிகள் நம்புகின்றனர். மேலும் அந்த நேரத்தில் சம்பவ இடத்திற்கு அருகில் இருந்த 36 வயது Footscray நபரை போலீசார் கைது செய்தனர் .
