அடுத்த மாத மத்திய பட்ஜெட்டில் புகையிலை தொடர்பான பொருட்கள் மீதான வரி கணிசமாக அதிகரிக்கப்படும் என தகவல்கள் வெளியாகியுள்ளன.
அவுஸ்திரேலியர்களிடையே சிகரெட் மற்றும் இலத்திரனியல் சிகரெட் பாவனையை கட்டுப்படுத்தும் நோக்கில் இந்த நடவடிக்கை எடுக்கப்பட்டுள்ளது.
இதனால், சிகரெட் உள்ளிட்ட புகையிலை தொடர்பான அனைத்து பொருட்களின் விலையும் கணிசமாக உயரும்.
இருப்பினும், மத்திய கருவூல அமைச்சர் ஜிம் சால்மர்ஸ், புகையிலை வரிகளின் சதவீத அதிகரிப்பை அறிவிக்கவில்லை.
உரிமம் பெறாத புகையிலை பொருட்களால் மத்திய அரசு ஆண்டுக்கு 1.8 பில்லியன் டாலர் வரி வருவாயை இழக்கிறது என்று கூறப்படுகிறது.
அத்துடன், இந்நாட்டில் இளைஞர்கள் மத்தியில் சிகரெட் பாவனை வேகமாக அதிகரித்துள்ளதோடு, 12 முதல் 17 வயதுக்குட்பட்ட சனத்தொகையில் 14 வீதமானோர் எப்போதாவது இவ்வாறான சிகரெட்டை பயன்படுத்தியுள்ளதாக ஆய்வு அறிக்கைகள் தெரிவிக்கின்றன.
