தாய்லாந்தில் சுற்றுலா மேற்கொண்ட அவுஸ்திரேலியர் ஒருவர், அந்நாட்டு சிறையில் உயிரிழந்த சம்பவம் அதிர்ச்சியை ஏற்படுத்தியுள்ளது.
அவுஸ்திரேலியாவைச் சேர்ந்த மேத்யூ விண்டர் (31) என்பவர், தனது முகத்தில் பச்சை குத்திக் கொள்வதற்காக ஐந்து நாள் பயணமாக தாய்லாந்தின் தீவான Phuketவிற்கு சென்றார்.
செவ்வாய்க்கிழமை அன்று நாடு திரும்ப இருந்த அவர், திங்கட்கிழமை அதிகாலையில் மது அருந்திவிட்டு தகராறு செய்ததாக பொலிஸாரால் கைது செய்யப்பட்டதாக கூறப்படுகிறது.
அதன் பின்னர் படோங் காவல் நிலையத்திற்கு அழைத்துச் செல்லப்பட்டு பின் சிறையில் அடைக்கப்பட்டார். நள்ளிரவு வேளையில் அவர் உயிரிழந்துள்ளார்.
அவரது இறப்பிற்கான காரணம் உடனடியாக அறியப்படவில்லை. எனினும் விண்டரின் மரணத்திற்கான காரணத்தைக் காட்டும் சிசிடிவி காட்சி இருப்பதாக அதிகாரிகள் கூறியுள்ள நிலையில், அவை இன்னும் சரிபார்க்கப்படவில்லை.
பிரேத பரிசோதனைக்காக விண்டரின் உடல் எடுத்துச் செல்லப்பட்டுள்ளது. தாய்லாந்து பொலிஸார் அவரது மரணம் குறித்து விசாரணை நடைபெற்று வருவதாக உறுதிப்படுத்தியுள்ளனர்.
