சுரங்கப்பாதைகளில் உயர வரம்பை மீறி டிரக்குகளை ஓட்டும் ஓட்டுநர்களுக்கு 4,097 டாலர் அபராதம் விதிக்க நியூ சவுத் வேல்ஸ் மாநில அரசு முடிவு செய்துள்ளது.
மேலும், சாரதி அனுமதிப்பத்திரம் மற்றும் பாரவூர்தியின் பதிவு 06 மாதங்களுக்கு இடைநிறுத்தப்படும்.
அண்மைக்காலமாக சிட்னி நகர சுரங்கப்பாதைகளில் ட்ரக் நெரிசல்கள் காரணமாக பல மணித்தியாலங்கள் போக்குவரத்து நெரிசல் ஏற்பட்டுள்ள சம்பவங்களை கருத்திற் கொண்டு இந்த முடிவு எடுக்கப்பட்டுள்ளது.
நியூ சவுத் வேல்ஸ் சாலை அமைச்சர் ஜோன் கிரஹாம், மிகக் குறைந்த எண்ணிக்கையிலான சாரதிகளே இவ்வாறு கவனக்குறைவாக வாகனங்களை ஓட்டுகிறார்கள் என்றும் அவர்கள் தண்டிக்கப்பட வேண்டும் என்றும் வலியுறுத்துகிறார்.
இதுபோன்ற குற்றங்களை தொடர்ந்து செய்யும் டிரக்கிங் நிறுவனங்கள் மீது நடவடிக்கை எடுக்கப்படும் என நியூ சவுத் வேல்ஸ் மாநில அரசு உறுதியளிக்கிறது.
