ICC சார்பில் இனிமேல் நடத்தப்படும் உலக கிண்ணம் உள்ளிட்ட கிரிக்கெட் போட்டிகளில் பங்கேற்கும் ஆண்கள் மற்றும் பெண்கள் அணியினருக்கு சரிசமமான பரிசுத் தொகை வழங்கப்படும் என்று ICC தலைவர் கிரேக் பார்கிளே அறிவித்துள்ளார்.
தென் ஆப்பிரிக்காவின் டர்பனில் நடந்த ICC கூட்டத்தில் இதற்கான முடிவு எடுக்கப்பட்டுள்ளது.
2017-ம் ஆண்டில் இருந்து பெண்கள் கிரிக்கெட்டுக்கான பரிசுத் தொகையை அதிகரித்து வருவதாகவும், சரிசம பரிசுத்தொகை வழங்கும் இந்த முடிவு கிரிக்கெட் வரலாற்றில் முக்கியத்துவம் வாய்ந்தது என தெரிவித்துள்ளார்.
பல்வேறு நாடுகளில் தற்போது T20 வடிவிலான லீக் போட்டிகள் தொடங்கப்படுகின்றன.
அமெரிக்காவில் MLC லீக் நடத்தப்படுகிறது. சவுதிஅரேபியாவிலும் டி20 கிரிக்கெட் தொடங்க திட்டமிடப்பட்டுள்ளது. T20 லீக்கில் உள்ளூர் வீரர்களுக்கு அதிக முக்கியத்துவம் அளிக்கப்பட வேண்டும்.
ஆடும் லெவனில் அதிகபட்சமாக 4 வெளிநாட்டு வீரர்கள் மட்டுமே அனுமதிக்கப்படுவார்கள் என ICC தெளிவுபடுத்தியுள்ளது.
திருத்தப்பட்ட புதிய வருவாய் பகிர்வுக்கும் ICC கூட்டத்தில் ஒப்புதல் வழங்கப்பட்டுள்ளது.
நன்றி தமிழன்
