அடுத்த ஆண்டு முதல் பல்லாயிரக்கணக்கான குறைந்த வருமானம் மற்றும் நடுத்தர வருமானம் உடையவர்களுக்கு வீடு வாங்க அரசாங்கம் மானியம் வழங்கும் என்று பிரதமர் அந்தோனி அல்பானீஸ் கூறுகிறார்.
பிரிஸ்பேனில் இன்று ஆரம்பமான தொழிற்கட்சி மாநாட்டில் கலந்து கொண்டு உரையாற்றிய அவர், புதிதாக கட்டப்படும் வீட்டின் விலையில் 40 வீதம் வரையில் தகுதியுள்ள ஆஸ்திரேலியர்கள் நிவாரணம் பெற முடியும் என்றார்.
ஏற்கனவே கட்டப்பட்ட வீட்டை வாங்கும் போது அதிகபட்ச நிவாரணம் 30 சதவீதமாக இருக்கும்.
இதற்குத் தகுதிபெற, ஒரு ஆஸ்திரேலியர் ஆண்டுக்கு $90,000க்கும் குறைவாக சம்பாதிக்க வேண்டும் மற்றும் ஒரு ஜோடி ஆண்டு வருமானம் $120,000க்கும் குறைவாக இருக்க வேண்டும்.
மேலும், வாங்கப்படும் சொத்தின் மதிப்பு மாநிலத்துக்கு மாநிலம் மாறுபடும்.
இந்த முன்மொழிவு கடந்த ஆண்டு நடைபெற்ற தொழிற்கட்சியின் கூட்டாட்சி தேர்தல் பிரச்சாரத்தின் முக்கிய வாக்குறுதியாகவும் மாறியது.
இதேவேளை நேற்று நடைபெற்ற தேசிய அமைச்சரவையில் அடுத்த 05 வருடங்களில் 12 இலட்சம் வீடுகளை கட்டி முடிக்க அனைத்து மாநில பிரதமர்களாலும் மத்திய அரசுக்கு அனுமதி வழங்கப்பட்டது.
