தமிழகத்தை சேர்ந்த 9ம் வகுப்பு மாணவனான சைலேஷ்க்கு மாதந்தோறும் 2 லட்ச ரூபாயை வருமானமாக கொடுத்து வருகிறார் Amazon.
விருதுநகர் மாவட்டம் இலந்தைகுளம் பகுதியை சேர்ந்த நல்லபெருமாள்- முத்துலட்சுமி தம்பதியின் மகன் சைலேஷ், 9ம் வகுப்பு படித்து வருகிறார்.
கடந்த 8 ஆண்டுகளாக சென்னையில் குடும்பத்துடன் வசித்து வருகிறார் சைலேஷ், பெற்றோர் இஸ்திரி செய்யும் வேலை பார்த்து வருகின்றனர். குடும்ப சூழ்நிலையை அறிந்த சைலேஷ்க்கு தான் ஏதாவது சாதிக்க வேண்டும் என்ற எண்ணம் இருந்தது.
மொபைல் தொழில்நுட்பத்தில் ஆர்வம் அதிகம் என்பதால், செயலிகள் (Apps) குறித்து கற்றுக்கொள்ளத் தொடங்கினார். தொடர்ந்து சொந்தமாக 3 செயலிகளை உருவாக்கி வெற்றியும் கண்டுள்ளார், தற்போது உலகின் பிரபலமான நிறுவனமான அமேசானுடன் ஒப்பந்தம் செய்துள்ளார்.
அதாவது புதுப்புது செயலிகளை உருவாக்கும் பணிக்கு அமேசான் சைலேஷுடன் ஒப்பந்தம் செய்துள்ளது.
கேம் விளையாட செல்போனை பயன்படுத்திய சைலேஷ் , தொழில்நுட்பத்தின் மீதுள்ள ஆர்வத்தினால் தற்போது அதில் நிபுணத்துவம் பெற்றவராக மாறியுள்ளார். மேலும் கற்றுக்கொள்ளவேண்டும் என்கின்ற ஆர்வம் சைலேஷை நல்ல நிலைமைக்கு உயர்த்தியுள்ளது.
அதுமட்டுமில்லாமல் முறையான வழிகாட்டுதலில் செயலலியை உருவாக்கும் பணிகளை மேற்கொண்டு வருவதாகவும் தனக்கு கணினி ஆசிரியர் மற்றும் நண்பர்களுக்கு உறுதுணையாக இருந்ததாகவும் மகிழ்ச்சியுடன் தெரிவித்துள்ளார்.
