இ-மெயில் மூலம் வந்த வெடிகுண்டு மிரட்டல் காரணமாக அடிலெய்டு நகரில் உள்ள பள்ளி ஒன்று மாணவர்களை உடனடியாக வெளியேற்ற நடவடிக்கை எடுத்துள்ளது.
மேலும், மறு அறிவிப்பு வரும் வரை மாணவர்களை பள்ளிக்கு அனுப்புவதை தவிர்க்குமாறும் பள்ளி நிர்வாகம் பெற்றோருக்கு அறிவித்துள்ளது.
அடிலெய்டின் கிழக்கில் உள்ள செயின்ட் பீட்டர்ஸ் ஆரம்பப் பள்ளிக்கு வெடிகுண்டு மிரட்டல் விடுக்கப்பட்டுள்ளது.
இதற்கிடையில், கடந்த ஒரு வாரமாக பல பள்ளிகள் மற்றும் மருத்துவமனைகளுக்கு வெடிகுண்டு மிரட்டல் விடுக்கப்பட்டதாக தெற்கு அவுஸ்திரேலிய பொலிஸார் தெரிவித்துள்ளனர்.
கடந்த 24 மணித்தியாலங்களில் நிலைமையில் அதிகரிப்பு காணப்படுவதாக தெற்கு அவுஸ்திரேலிய பொலிஸ் மேலும் அறிவித்துள்ளது.
எந்தவொரு நிறுவனத்திற்கும் இதுபோன்ற அச்சுறுத்தல் கிடைத்தால் உடனடியாக சரியான பாதுகாப்பு வழிமுறைகளைப் பின்பற்றுமாறு கோரிக்கை விடுக்கப்பட்டுள்ளது.
