நியூசிலாந்தை அவுஸ்திரேலியாவுடன் இணைக்கும் பிரேரணைக்கு முன்னாள் துணைப் பிரதமர் பார்னபி ஜாய்ஸ் தனது ஆதரவை தெரிவித்துள்ளார்.
இதன்படி, இரு நாடுகளுக்குமிடையிலான அரசியலமைப்பு இடைவெளியை நிரப்புவதற்கான சந்தர்ப்பம் ஏற்படும் என விமர்சகர்கள் சுட்டிக்காட்டுகின்றனர்.
அரசியலில் இருந்து ஓய்வு பெற்ற நியூசிலாந்து தொழிலாளர் கட்சியின் உறுப்பினர் ஒருவர், நியூசிலாந்தை அவுஸ்திரேலியாவுடன் இணைக்கும் பிரேரணையை மேலும் பரிசீலித்து ஆதரவளிப்பதாக அண்மையில் அந்நாட்டு நாடாளுமன்றத்தில் அறிவித்திருந்தார்.
இரு நாடுகளின் ஒருங்கிணைப்பு பொது மற்றும் தனியார் துறைகளுக்கு பல பொருளாதார நன்மைகளை கொண்டு வரும் என அவர் சுட்டிக்காட்டியுள்ளார்.
ஒருங்கிணைந்த பாதுகாப்பு மற்றும் பொருளாதாரக் கொள்கைகள் நடைமுறையில் இருப்பது மட்டுமல்லாமல், ஆஸ்திரேலியா ரக்பி உலகக் கோப்பையைக் கூட வெல்ல முடியும் என்பது விமர்சகர்களின் கருத்து.
எவ்வாறாயினும், நியூசிலாந்து மக்கள் இந்த விடயத்தில் ஒருமித்த கருத்தை எட்டுவதில் நிச்சயமற்ற நிலையில் இருப்பதாகவும், எனவே இதற்கான முன்மொழிவுகளை முன்வைக்க வாய்ப்பு இருப்பதாகவும் Barnaby Joyce கூறுகிறார்.
1901 க்கு முன், நியூசிலாந்து-பிஜி தீவுகள் மற்றும் ஆஸ்திரேலியா ஆகியவை ஒரே பிராந்தியமாக கருதப்பட்டன.
