ஆஸ்திரேலிய விமான நிலையங்களுக்கு விமானங்களின் எண்ணிக்கையை அதிகரிக்க வேண்டும் என்ற கத்தார் ஏர்வேஸின் கோரிக்கையை நிராகரிக்கும் முடிவில் எந்த மாற்றமும் இல்லை என்று தொழிலாளர் கட்சி அரசாங்கம் வலியுறுத்துகிறது.
உரிய பரிசீலனைக்குப் பின்னரே உரிய தீர்மானம் எடுக்கப்பட்டதால், அதனை மாற்றியமைக்க நடவடிக்கை எடுக்கக் கூடாது என சிரேஷ்ட அமைச்சர்கள் பலர் சுட்டிக்காட்டியுள்ளனர்.
இந்த சம்பவம் தொடர்பில் பாராளுமன்ற செனட் குழுவின் ஊடாக விசாரணை நடத்தப்படவுள்ள நிலையிலேயே அவர்கள் இந்த கருத்துக்களை வெளியிட்டுள்ளனர்.
அத்துடன் கத்தார் ஏர்வேஸ் விமான கட்டணத்தை குறைக்க கூடுதல் விமானங்களை வழங்க வேண்டும் என எதிர்க்கட்சிகள் மட்டுமின்றி சுற்றுலாத்துறையில் ஈடுபட்டுள்ள பல தரப்பினரும் கூறுகின்றனர்.
இந்நிலையில், குவாண்டாஸ் ஏர்லைன்ஸ் நிறுவனத்தின் புதிய தலைமை நிர்வாக அதிகாரியாக வனேசா ஹட்சன் இன்று பதவியேற்றார்.
