தகுதியான விக்டோரியர்கள் சூரிய மின் உற்பத்திக்காக $2,400 கட்டண தள்ளுபடியைப் பெறுவதற்கான வாய்ப்பு வழங்கப்பட்டுள்ளது.
இந்த தள்ளுபடி சோலார் பேனல்களுக்கு $1,400 ஆகவும், சூரிய வெப்ப நீர் அமைப்புக்கு $1,000 ஆகவும் கிடைக்கிறது.
இந்த கட்டணச் சலுகை புதிய கொள்முதல் செய்வதற்கு மட்டுமின்றி, 10 ஆண்டுகளுக்கும் மேலான சூரிய சக்தி அமைப்புகளை அகற்றி, புதிய அமைப்புகளை நிறுவுவதற்கும் விண்ணப்பிக்கலாம்.
இதற்கு முக்கிய காரணம் பழைய சூரிய சக்தி அமைப்புகளின் திறமையின்மையால் அதிக செலவு ஆகும்.
விக்டோரியா மாநிலத்தில் புதுப்பிக்கத்தக்க ஆற்றல் அதிகம் பயன்படுத்தப்பட்டாலும், ஒரு மெகாவாட் உற்பத்திக்கான செலவு 2021ல் $51ல் இருந்து தற்போது $114 ஆக உயர்ந்துள்ளதாக கூறப்படுகிறது.
