டாஸ்மேனியா மாநிலத்தில் உள்ள செவிலியர்கள் மற்றும் குடும்ப நலப் பணியாளர்களின் சம்பளத்தை டிசம்பர் 1ஆம் தேதி முதல் உயர்த்த மாநில அரசு நடவடிக்கை எடுத்துள்ளது.
குறித்த சம்பள அதிகரிப்பு மூன்று வருட காலத்திற்கு செல்லுபடியாகும் மற்றும் 15 வீதம் வரை சம்பள உயர்வு இருக்கும்.
அதன்படி, அடிப்படை சம்பள உயர்வு $1,500 மற்றும் வாழ்க்கை செலவு தொகை $1,000 வழங்க திட்டமிடப்பட்டுள்ளது.
வார இறுதி ஷிப்டுகளுக்கான கூடுதல் கொடுப்பனவுகள் அத்துடன் பட்டப்படிப்புக்கு அப்பாற்பட்ட தகுதிகளைக் கொண்ட தாதியர்களுக்கான சிறப்பு சலுகைகள் மற்றும் அவர்களின் சம்பளமும் அதிகரிக்கும்.
சம்பள உயர்வு தொடர்பான புதிய சேவை விதிமுறைகள் ஜூலை 1, 2026 அன்று காலாவதியாகும்.
தற்போதுள்ள 500 தொடக்கம் 1000 வரையான வெற்றிடங்களை நிரப்புவது உட்பட தாதியர் சேவையில் பல சாதகமான மாற்றங்களுக்கு இந்த சம்பள அதிகரிப்பு வழிவகுக்கும் என தாதியர் சங்கங்கள் சுட்டிக்காட்டுகின்றன.
தாஸ்மேனியா மாநிலத்தில் உள்ள செவிலியர்களின் வேலை திருப்தியை அதிகரிப்பது மற்றும் விண்ணப்பதாரர்களுக்கு தேவையான வசதிகள் மற்றும் பயிற்சிகளை அளிப்பதே இதன் நோக்கம் என்று மாநில அதிகாரிகள் வலியுறுத்தியுள்ளனர்.
