உலக கிண்ண கிரிக்கெட் தொடரில் நேற்று (21) இடம்பெற்ற 20-வது லீக்கில் போட்டியில் இங்கிலாந்து மற்றும் தென்னாப்பிரிக்க அணிகள் மோதின.
குறித்த போட்டியின் நாணய சுழற்சியில் இங்கிலாந்து அணி வெற்றிப் பெற்று முதலில் களத்தடுப்பை தெரிவு செய்துள்ளது.
இதன்படி முதலில் துடுப்பெடுத்தாடிய தென்னாப்பிரிக்க அணி 50 ஓவர்கள் நிறைவில் 7 விக்கெட்டுக்கள் இழப்பிற்கு 399 ஓட்டங்களை பெற்றது.
துடுப்பாட்டத்தில் தென்னாப்பிரிக்க அணி சார்பில் Heinrich Klaasen அதிகபடியாக 109 ஓட்டங்களையும், Reeza Hendricks 85 ஓட்டங்களையும், Rassie van der Dussen 60 ஓட்டங்களையும் பெற்றுக்கொடுத்தனர்.
பந்து வீச்சில் இங்கிலாந்து அணி சார்பில் Reece Topley 3 விக்கெட்டுக்களையும், Gus Atkinson, Adil Rashid ஆகியோர் தலா 2 விக்கெட்டுக்களையும் வீழ்த்தினர்.
இதன்படி 400 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய இங்கிலாந்து அணி 22 ஓவர்கள் நிறைவில் சகல விக்கெட்டுக்களையும் இழந்து 170 ஓட்டங்கள் மாத்திரமே பெற்று தோல்வியை தழுவியது.
துடுப்பாட்டத்தில் அந்த அணி சார்பில் Mark Wood அதிகபட்சமாக 43 ஓட்டங்களையும், Gus Atkinson 35 ஓட்டங்களையும் பெற்றுக்கொடுத்தனர்.
பந்துவீச்சில் தென் ஆப்பிரிக்கா அணி சார்பில் Gerald Coetzee 3 விக்கெட்டுக்களையும் Lungi Ngidi, Marco Jansen ஆகியோர் தலா இரண்டு விக்கெட்டுக்களையும் வீழ்த்தினர்.
நன்றி தமிழன்
