சுரங்கப்பாதைகளை முறையாக பயன்படுத்தாத டிரக் டிரைவர்களுக்கு எதிராக 4,097 டாலர் அபராதம் விதிக்க நியூ சவுத் வேல்ஸ் அதிகாரிகள் நடவடிக்கை எடுத்துள்ளனர்.
குறிப்பாக சிட்னி நகரத்தில் உள்ள சுரங்கப்பாதைக்குள் நுழையும் முன், வாகனத்தின் உயரம், எடை மற்றும் ஏற்றப்பட்ட திறன் உள்ளிட்ட வாகனத்தின் பாதுகாப்பு குறித்து அக்கறை கொள்ளுமாறு அதிகாரிகள் எச்சரித்துள்ளனர்.
கடந்த வாரம், சிட்னியின் கிழக்கில் ஒரு சுரங்கப்பாதையில் ஒரு பெரிய டிரக் சிக்கியதால் கடும் போக்குவரத்து நெரிசல் ஏற்பட்டது.
இதன் காரணமாக கனரக வாகனங்களுக்கு சுரங்கப்பாதைகளை பயன்படுத்துவதற்கு தற்காலிகமாக தடை விதிக்கப்பட்டுள்ளதுடன், கடந்த ஜூன் மாதம் முதல் சிட்னி நகரில் உள்ள 33 சுரங்கப்பாதைகளில் 14 இடங்களில் போக்குவரத்து நெரிசல் ஏற்பட்டுள்ளதாக கூறப்படுகிறது.
இரும்பு மற்றும் இயந்திரங்களை ஏற்றிச் செல்லும் லாரிகள், அந்தந்த பொருட்களை ஏற்றிச் செல்வதற்கு முன், உரிய பாதுகாப்புக் கவசத்தால் மூடப்பட வேண்டும் என, அதிகாரிகள் அறிவுறுத்தியுள்ளனர்.
2023 ஆம் ஆண்டில் இன்றுவரை, நிர்ணயிக்கப்பட்ட உயரத்திற்கு மேல் லாரிகள் சம்பந்தப்பட்ட 102 விபத்துக்கள் நடந்துள்ளன, மேலும் கடந்த ஆண்டு மட்டும் நிகழ்ந்த விபத்துகளின் எண்ணிக்கை 161 ஆகும்.
