காட்டுத்தீ அபாயம் அதிகரித்துள்ள நிலையில், வைக்கோல் தட்டுப்பாட்டினால் குயின்ஸ்லாந்து மற்றும் நியூ சவுத் வேல்ஸில் கால்நடைத் தொழில் தொடர்பான விவசாயிகள் கடும் சிரமங்களை எதிர்கொண்டுள்ளனர்.
கால்நடைகளுக்கு உணவளிக்க தேவையான வைக்கோலை கொள்வனவு செய்வதற்கு மாதம் ஒரு மில்லியன் டொலர்களுக்கு மேல் செலவிட வேண்டியுள்ளதாக கால்நடை பண்ணையாளர்கள் சுட்டிக்காட்டுகின்றனர்.
விவசாயிகளுக்கு உதவ விரும்புவோர் 1300 327 624 என்ற தொலைபேசி எண்ணில் தொடர்பு கொண்டு நன்கொடை அளிக்குமாறு கேட்டுக் கொள்ளப்படுகிறார்கள்.
குயின்ஸ்லாந்து மற்றும் நியூ சவுத் வேல்ஸ் ஆகிய இடங்களில் காட்டுத் தீ தீவிரமாக இருப்பதால், வைக்கோலின் தேவை எதிர்காலத்தில் மேலும் அதிகரிக்கலாம் என தெரிவிக்கப்பட்டுள்ளது.
இந்நிலையில், குயின்ஸ்லாந்து மாநிலத்தின் பல பகுதிகளில் காட்டுத் தீ ஏற்படும் அபாயம் உள்ளதால், அங்குள்ள மக்களை வெளியேற்ற நடவடிக்கை எடுக்கப்பட்டுள்ளது.
காட்டுத்தீ அபாயம் காரணமாக குயின்ஸ்லாந்து மாநிலத்தில் சுமார் 50 வீடுகள் ஏற்கனவே முற்றாக அழிந்து விட்டதாகவும், தீயை அணைக்கும் பணிகள் தொடரும் எனவும் தெரிவிக்கப்பட்டுள்ளது.
கடுமையான வறண்ட காலநிலை மற்றும் பலத்த காற்றின் அபாயம் தொடர்வதோடு, தொடர்ந்தும் அவதானமாக இருக்குமாறு வளிமண்டல திணைக்களம் மேலும் தெரிவித்துள்ளது.
