உலக கிண்ண தொடரின் 39வது லீக் போட்டி மும்பை வான்கடே மைதானத்தில் இன்று நடைபெற்றது. இதில் அவுஸ்திரேலியா, ஆப்கானிஸ்தான் அணிகள் மோதின.
நாணய சுழற்சியில் டாஸ் வென்ற ஆப்கானிஸ்தான் துடுப்பாட்டத்தை தேர்வு செய்தது.
அதன்படி, முதலில் களமிறங்கிய ஆப்கானிஸ்தான் அணி 5 விக்கெட்டுக்கு 291 ஓட்டங்களை எடுத்துள்ளது. சட்ரன் 129 ஒட்டத்துடனும், ரஷித் கான் 35 ஓட்டத்துடனும் ஆட்டமிழக்காமல் இருந்தனர்.
இதையடுத்து, 292 ஓட்டங்களை எடுத்தால் வெற்றி என்ற இலக்குடன் அவுஸ்திரேலியா அணி களமிறங்கியது.
டிராவிஸ் ஹெட் டக் ஆட்டமிழந்து அதிர்ச்சி அளித்தார். அடுத்து இறங்கிய மிட்செல் மார்ஷ் 24 ஓட்டத்துடன் வெளியேறினார். டேவிட் வார்னர் 18 ஓட்டத்துடன் ஆட்டமிழந்தார். ஜோஷ் இங்கிலிஸ் டக் அவுட்டானார். இதனால் அவுஸ்திரேலியா அணி 8.2 ஓவரில் 4 விக்கெட் இழப்புக்கு 49 ஓட்டங்களை எடுத்து திணறியது.
லபுசேன் 14 ஓட்டத்துடனும், ஸ்டோய்னிஸ் 6 ஓட்டத்துடனும், மிட்செல் ஸ்டார்க் 3 ஓட்டத்துடனும் ஆட்டமிழந்தனர். ஒரு கட்டத்தில் அவுஸ்திரேலியா 91 ஓட்டங்களுக்கு 7 விக்கெட்டை இழந்து திணறியது.
ஒருபுறம் விக்கெட்கள் வீழ்ந்தாலும் மேக்ஸ்வெல் அபாரமாக ஆடி சதமடித்தார். அவருக்கு அணி தலைவர் பாட் கம்மின்ஸ் ஒத்துழைப்பு கொடுத்தார்.
இறுதியில், அவுஸ்திரேலியா 7 விக்கெட்டுக்கு 293 ஓட்டங்கள் எடுத்து அபார வெற்றி பெற்றது. மேக்ஸ்வெல் 201 ஓட்டங்களுடன் அவுட்டாகாமல் இருந்தார்.
ஆப்கானிஸ்தானின் நவீன் உல் ஹக், ஓமர்சாய், ரஷித் கான் ஆகியோர் தலா 2 விக்கெட்டுக்கள் வீழ்த்தினர்.
நன்றி தமிழன்
