வாழ்க்கைச் செலவைக் கட்டுப்படுத்தும் வகையில் எரிசக்தி மற்றும் எரிபொருள் கட்டணங்களில் மத்திய அரசிடம் இருந்து மக்கள் ஓரளவு நிவாரணம் எதிர்பார்க்கிறார்கள் என்று சமீபத்திய கணக்கெடுப்பில் தெரியவந்துள்ளது.
வங்கி வட்டி விகிதங்களை அதிகரிப்பதன் மூலம் வாழ்க்கைச் செலவைக் குறைக்க அரசாங்கம் விரைவான வேலைத்திட்டத்தை உருவாக்குவதே சிறந்தது என வாக்கெடுப்பில் கலந்துகொண்ட பெரும்பான்மையானவர்கள் தெரிவித்துள்ளனர்.
84 சதவீதத்திற்கும் அதிகமான மக்கள், வாழ்க்கைச் செலவைக் கட்டுப்படுத்துவதற்கான தீர்வுகள் தேவைப்படும் பகுதிகளைக் குறிப்பிட்டு, எரிசக்தி கட்டணங்களைக் கட்டுப்படுத்துவது அவசியம் என்று கூறியுள்ளனர்.
இதேவேளை, எரிபொருள் விலையை கட்டுப்படுத்த அரசாங்கம் தலையிட்டு ஓரளவு நிவாரணம் வழங்க வேண்டும் என 81 வீதத்திற்கும் அதிகமான மக்களும், அரசாங்க செலவினங்களை குறைப்பதன் மூலம் பணவீக்கத்தை கட்டுப்படுத்த முடியும் என 77 வீதமானவர்களும் தெரிவித்துள்ளனர்.
1220 பேர் வாக்கெடுப்பில் கலந்து கொண்டனர், அவர்களில் 53 சதவீதம் பேர் குறைந்த வருமானம் கொண்ட குடும்ப அலகுகளுக்கு அரசு நிதி உதவி வழங்குவது முக்கியம் என்று கூறியுள்ளனர்.
வரிச் செலவுகளை ஓரளவுக்குக் குறைத்து வாழ்க்கைச் செலவைக் கட்டுப்படுத்துவதற்கு அரசாங்கம் அர்ப்பணிப்புடன் இருக்க வேண்டும் என்ற கருத்தும் முன்வைக்கப்பட்டது.
