அமெரிக்காவின் கலிபோர்னியாவில் உள்ள கேமரூன் ஏர்பார்க் என்ற கிராமத்தில் வீட்டுக்கு ஒரு விமானம் என மக்கள் தங்கள் அன்றாட தேவைகளுக்காக விமானத்தை பயன்படுத்தி வருகின்றனர்.
கழுகு பார்வையில் பார்த்தால் விமான நிலையம் போல் காட்சியளிக்கும் இக்கிராமத்தில் வேலைக்கு செல்லவும் அலுவலகத்திற்கு செல்லவும் விமானத்தை பயன்படுத்துகின்றனர்.
விமானம் வைத்திருக்க விமான ஓட்டிகளுக்கான லைசன்ஸ் மற்றும் விமானத்தை இயக்குவது குறித்த விவரங்களை தெரிந்தவர்கள் மட்டுமே விமானம் வைத்திருக்க அனுமதிக்கப்படுவதுடன் அவர்களை தவிர்ந்தவர்களுக்கு அதிகாரம் மறுக்கப்பட்டுள்ளது. இங்கு வசிப்பவர்கள் பெரும்பாலும் ஓய்வு பெற்ற விமானிகளெனினும் மருத்துவர்கள், பொறியாளர்கள் உள்ளிட்ட பலதரப்பட்ட மக்களும் வசித்து வருகின்றனர்.
இங்கு மொத்தம் 124 வீடுகளைக் கொண்ட இக்கிராமம் 1963ஆம் ஆண்டு கட்டமைக்கப்பட்டதுடன் விமானங்களை தங்கள் வீடுகளுக்கு முன்பாக தரையிறக்கவும் அருகில் உள்ள விமான நிலையத்திற்கு எளிதாக செல்லவும் 100 அடி அகலத்திற்கு சாலைகள் அமைக்கப்பட்டுள்ளன.
இரண்டாம் உலக போருக்கு பிறகு அமெரிக்கா, விமானங்களின் செயல்பாட்டை ஊக்குவித்த நிலையில், இவ்விமான நிலையங்களை ஓய்வு பெற்ற ராணுவ விமானிகளுக்கான குடியிருப்பு விமான பூங்காவாக மேம்படுத்த அந்த நாட்டின் விமான போக்குவரத்து ஆணையம் நடவடிக்கை எடுத்ததனால், கேமரூன் ஏர்பார்க் கிராமத்தில் வீட்டிற்கு ஒரு விமானம் வைத்துள்ளனர்.
