விக்டோரியா வி-லைன் ரயில் ஊழியர்கள் பல வேலை நிலைமைகள் தொடர்பாக இரண்டாவது முறையாக ஜனவரி 25 அன்று 4 மணி நேர வேலைநிறுத்தத்தில் ஈடுபட உள்ளனர்.
புகையிரத அதிகார சபையுடனான பேச்சுவார்த்தை தோல்வியடைந்ததன் காரணமாக இந்த நடவடிக்கை எடுக்கப்பட்டுள்ளதாக தொழிற்சங்கங்கள் சுட்டிக்காட்டியுள்ளன.
கடந்த டிசம்பர் 13ஆம் திகதி அதிகாலை 03 மணி முதல் 07 மணி வரையில் ஊழியர்கள் தமது கடமைகளை விட்டு விலகி முதன்முறையாக வேலை நிறுத்தத்தில் ஈடுபட்டனர்.
வி-லைன் ஊழியர்கள், ரயில் உதவியாளர்கள், ரயில் கட்டுப்பாட்டாளர்கள், ஸ்டேஷன் மாஸ்டர்கள் மற்றும் வாடிக்கையாளர் சேவை ஊழியர்கள் வேலைநிறுத்தத்திற்கு தங்கள் ஆதரவை தெரிவித்துள்ளனர்.
இதன் காரணமாக மெல்போர்னில் உள்ள அனைத்து முக்கிய ரயில் பயணங்களும் பாதிக்கப்படும் என தெரிவிக்கப்பட்டுள்ளது.
வேலைநிறுத்தத்தில் ஈடுபட்டுள்ள வி-லைன் தொழிலாளர்கள், நான்கு வருட காலத்திற்குள் 17 சதவீத ஊதிய உயர்வு மற்றும் வேலைப் பாதுகாப்பிற்கு உறுதியளிக்க வேண்டும் என்று கோருகின்றனர்.
எவ்வாறாயினும், வேலைநிறுத்தம் தொடர்பான தனது நிலைப்பாட்டை ரயில்வே அதிகாரசபை இதுவரை அறிவிக்கவில்லை.
