உலக அளவில் பிரபலமான யூடியூபர்களில் ஒருவர் மிஸ்டர் பீஸ்ட். ஜிம்மி டொனால்ட்சன் என்ற இயற்பெயர் கொண்ட இவரது வலைதள காணொளிகள் சமூக வலைதளங்களில் வைரலாகி இலட்சக்கணக்கான பார்வைகளை குவிப்பது வழக்கமானது.
ஆனால் இவர் இதுவரை எக்ஸ் தளத்தில் எந்த காணொளிகளையும் பதிவிட்டது கிடையாது. மிகுந்த பொருட் செலவில் தான் உருவாக்கும் காணொளிகளை அவர் யூ-டியூப்பில் வெளியிட்டு வந்த நிலையில், எலான் மஸ்க், “மிஸ்டர் பீஸ்ட் ஏன் தனது காணொளியை எக்ஸ் தளத்தில் பதிவிடுவதில்லை” என கேள்வி கேட்டிறிந்தார்.
அதற்கு மிஸ்டர் பீஸ்ட் அளித்த பதிலில், “என்னுடைய ஒவ்வொரு காணொளியையும் மிகுந்த பொருள் செலவில் தயாரிக்கிறேன். எக்ஸ் தளத்தில் அதனை பகிர்ந்தால் காணொளி தயாரிப்பு செலவில் ஒரு பகுதி மட்டுமே கிடைக்கும் என கூறியிருந்தார்.
அவரது இந்த பதிவை எக்ஸ் தள பயனர்கள் பலரும் வரவேற்றனர். இந்நிலையில் எலான் மஸ்க் கோரிக்கையை ஏற்று மிஸ்டர் பீஸ்ட் எக்ஸ் தளத்தில் ஒரு காணொளியை பதிவிட்டுள்ளார். அந்த காணொளியுடன் அவரது பதிவில், “எக்ஸ் தளத்தில் ஒரு காணொளி எவ்வளவு விளம்பர வருவாயை ஈட்டுகிறது என்று பார்க்க நான் ஆவலாக உள்ளேன். அடுத்த வாரம் விளம்பர வருவாயாயை பகிர்ந்து கொள்கிறேன்” என கூறி இருந்தார். இதை எலான் மஸ்க் இப்பதிவை மறு பகிர்வு செய்து, “மிஸ்டர் பீஸ்ட்டின் முதல் வீடியோ நேரடியாக எக்ஸ் தளத்தில் வெளியிடப்பட்டது” என கூறியிருந்தார்.
நன்றி தமிழன்
