நடிகை சன்னி லியோன் ஆபாச படங்களில் நடிப்பதிலிருந்து முழுமையாக வெளியேறி, பாலிவுட் சினிமாவில் கவர்ச்சி கதாபாத்திரங்களில் நடித்து ரசிகர்களை கவர்ந்தவர்.
2014ஆம் ஆண்டு வெளியான ‘வடகறி’ படத்தில் நடித்து தமிழ் சினிமாவில் சன்னி லியோன் அறிமுகமானார். அதனைத் தொடர்ந்து ‘மதுர ராஜா’, ‘ஓ மை கோஸ்ட்’, ‘தீ இவன்’ ஆகிய படங்களில் சன்னி லியோன் நடித்தார். மேலும் சில படங்களில் அவர் நடித்து வருகிறார்.
இந்நிலையில், சன்னி லியோன் தற்போது தொழில் அதிபராகவும் மாறியுள்ளார். உத்தரபிரதேச மாநிலம் நொய்டாவில் அவர் புதிய ஹோட்டலொன்றை ஆரம்பித்துள்ளார். பார் உள்ளிட்ட பல்வேறு வசதிகள் கொண்ட இந்நட்சத்திர ஹாட்டலுக்கு ‘சிக்கா லோகா’ என்று பெயர் வைத்துள்ளனர். விரைவில் இந்தியா முழுவதும் இதன் கிளைகளை தொடங்கவும் சன்னி லியோன் திட்டமிட்டுள்ளமை குறிப்பிடத்தக்கது.
