அவுஸ்திரேலியாவில் இசைப் பயணம் மேற்கொண்டிருந்த பிரபல பாடகர் Taylor Swiftன் தந்தை, சிட்னி துறைமுகப் பகுதியில் ஒளிப்பதிவாளர் ஒருவரைத் தாக்கியதாகக் கூறப்படும் சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
நியூட்ரல் பே துறைமுக பகுதியில் இன்று அதிகாலை 2.30 மணியளவில் 71 வயதான ஸ்காட் ஸ்விஃப்ட் 51 வயதுடைய நபரை தாக்கியதாக குற்றம் சுமத்தப்பட்டுள்ளது.
Taylor Swift மற்றும் அவரது தந்தை உள்ளிட்ட குழுவினர் 120 அடி சொகுசு படகு மூலம் சிட்னிக்கு அழைத்து வரப்பட்டதாகவும், படகில் இருந்து இறங்கிய சிறிது நேரத்தில் இந்த தாக்குதல் நடந்ததாகவும் கூறப்படுகிறது.
இந்த தாக்குதல் தொடர்பான உருவப்படம் ஊடகங்களுக்கு வெளியாகியுள்ளதுடன், தாக்குதலுக்கு உள்ளானவர் 51 வயதுடையவர் என தெரிவிக்கப்பட்டுள்ளது.
Taylor Swift தனது இறுதி சிட்னி நிகழ்ச்சியை நேற்று இரவு நிகழ்த்தினார், ஏழு இரவு ஆஸ்திரேலிய சுற்றுப்பயணத்தை முடித்தார்.
இன்று அதிகாலை இடம்பெற்றதாக கூறப்படும் தாக்குதல் சம்பவம் தொடர்பில் நியூ சவுத் வேல்ஸ் பொலிஸார் விசாரணைகளை ஆரம்பித்துள்ளதுடன், தாக்கப்பட்ட நபரின் நிலைமை கவலைக்கிடமாக இல்லை எனவும் தெரிவிக்கப்பட்டுள்ளது.
ஸ்காட் ஸ்விஃப்ட் கடந்த பதினைந்து நாட்கள் முழுவதும் தனது மகளின் ஆஸ்திரேலிய சுற்றுப்பயணத்திற்கு முழு ஆதரவை வழங்கினார் மற்றும் Taylor Swiftன் ரசிகர்களும் இந்த சம்பவத்தால் வருத்தமடைந்தனர்.
