தீயில் இருந்து தப்பிக்க ரயிலில் இருந்து குதித்த பயணிகள் மற்றொரு ரயிலில் நசுங்கிய பரிதாபம்

இந்தியாவின் ஜம்தாரா பகுதியில் மக்கள் மீது விரைவு ரயில் மோதியதில் 12 பேர் உயிரிழந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.

எனினும் இந்த சம்பவத்தில் பலர் உயிரிழந்திருக்கலாம் என அஞ்சப்படுகிறது.

பல ரயில் பெட்டிகளில் திடீரென தீப்பிடித்ததால் பயணிகள் திடீரென ரயிலில் இருந்து இறங்கியதாகவும், அங்கு வந்த அதிவேக ரயிலில் அவர்கள் மோதியதாகவும் வெளிநாட்டு ஊடகங்கள் தெரிவிக்கின்றன.

எனினும் உயிரிழந்தவர்களின் எண்ணிக்கை உறுதிப்படுத்தப்படவில்லை என சர்வதேச ஊடகங்கள் செய்தி வெளியிட்டுள்ளன.

மருத்துவ குழுக்கள் மற்றும் ஆம்புலன்ஸ்கள் சம்பவ இடத்திற்கு விரைந்துள்ளன. மீட்புப் பணிகள் மேற்கொள்ளப்பட்டுள்ளதாகத் தெரிவிக்கப்படுகிறது.

ஜார்கண்ட் மாநிலம் ஜம்தாரா மாவட்டத்தில் உள்ள கலாஜாரியா ரயில் நிலையத்தில் எக்ஸ்பிரஸ் ரயிலில் தீ விபத்து ஏற்பட்டதை அடுத்து பயணிகள் தப்பியோட முயன்றதால் விபத்து ஏற்பட்டது.