அவுஸ்திரேலியாவில் நீச்சல் குளங்களில் சிறுவர்கள் விபத்துக்குள்ளாகும் சம்பவங்கள் 03 மடங்கு அதிகரித்துள்ளதாக அண்மைய கணக்கெடுப்பில் தெரியவந்துள்ளது.
குறிப்பாக 5 வயதுக்குட்பட்ட குழந்தைகள் அதிக ஆபத்தில் உள்ளனர், பெற்றோர்கள் இது குறித்து கவனமாக இருக்குமாறு அறிவுறுத்தப்பட்டுள்ளது.
இதன்படி, கடந்த 20 வருடங்களில் 5 வயதுக்குட்பட்ட 549 சிறுவர்கள் குளம் தொடர்பான நீரில் மூழ்கி உயிரிழந்துள்ளனர், இதில் 222 பேர் 1 வயதுக்குட்பட்ட சிறுவர்கள்.
உயிரிழந்த குழந்தைகளில் 89 பேர் தங்களது வீடுகளில் உள்ள பாதுகாப்பற்ற குளங்களில் விழுந்து உயிரிழந்ததாகத் தெரிவிக்கப்படுகிறது.
குறிப்பாக வீட்டிற்கு அருகாமையில் பாதுகாப்பற்ற குளங்கள் அமைக்கப்படுவதாலும், பெற்றோரின் கவனக்குறைவு காரணமாகவும் சிறு குழந்தைகளின் உயிருக்கு அச்சுறுத்தல் ஏற்பட்டுள்ளதாக அரச உயிர்காப்பு பிரிவு தெரிவித்துள்ளது.
நீரில் மூழ்கி ஒவ்வொரு வருடமும் சராசரியாக 05 வயதுக்குட்பட்ட 27 குழந்தைகள் இறக்கின்றனர், மேலும் விபத்துகளைக் குறைப்பது குறித்து பெற்றோருக்குக் கற்பிப்பதற்கான திட்டங்களைத் தொடர்ந்து நடைமுறைப்படுத்துவதற்காக அரச உயிர்காப்பாளர்கள் பணியாற்றி வருகின்றனர்.
