விக்டோரியாவின் பல்லாரத் தங்கச் சுரங்கத்தில் தொழிலாளி ஒருவர் விபத்தில் உயிரிழந்ததையடுத்து, அதன் செயல்பாடுகளை நிறுத்த முடிவு செய்யப்பட்டுள்ளது.
வொர்க்சேஃப் 37 வயதான நபரின் மரணம் குறித்து முறையான விசாரணையைத் தொடங்கியுள்ளது.
ஆஸ்திரேலிய தொழிலாளர் சங்கத்தின் விக்டோரியா கிளையின் செயலாளர் ரோனி ஹெய்டன், பாறை விழுந்தபோது இரண்டு தொழிலாளர்கள் “ஏர் லெகிங்” எனப்படும் கைமுறை சுரங்க செயல்முறையை மேற்கொண்டனர்.
விபத்தின் பின்னர் சிக்கியிருந்த 26 தொழிலாளர்கள் மீட்கப்பட்டதுடன், சிக்கியிருந்த மற்றையவரின் சடலம் இன்று காலை ஊழியர்களால் மீட்கப்பட்டது.
இந்த விபத்தில் 21 வயதுடைய இளைஞர் ஒருவர் பலத்த காயங்களுக்கு உள்ளாகி நேற்று ஆல்பிரட் மருத்துவமனைக்கு ஹெலிகாப்டர் மூலம் கொண்டு செல்லப்பட்டதாகவும்,
அவர் ஆபத்தான நிலையில் மருத்துவமனையில் அனுமதிக்கப்பட்டுள்ளதாகவும் கூறப்படுகிறது.
மெல்போர்னில் இருந்து மேற்கே 116 கிலோமீட்டர் தொலைவில் அமைந்துள்ள சுரங்கத்தின் பணிகளை விக்டரி மினரல்ஸ் நிறுவனம் பொறுப்பேற்ற மூன்று மாதங்களுக்குப் பிறகு இந்த விபத்து நடந்துள்ளது.
வொர்க்சேஃப் விக்டோரியா ஹெல்த் அண்ட் சேஃப்டி நிர்வாக இயக்குனர் நரேல்லே பீர், இந்த சம்பவம் குறித்து முறையான மற்றும் முழுமையான விசாரணை நடத்தப்படும் என்றார்.
