அண்மையில் கோல்ட் கோஸ்டில் உள்ள அடுக்குமாடி குடியிருப்பில் போதைப்பொருள் உட்கொண்டதால் உயிரிழந்த பெண்ணுக்கு 40வது பிறந்தநாளை கொண்டாடும் போது வலிப்பு ஏற்பட்டுள்ளதாக பொலிஸ் விசாரணைகளில் தெரியவந்துள்ளது.
ஆறு நெருங்கிய நண்பர்களுடன் சர்ஃபர்ஸ் பாரடைஸில் உள்ள அடுக்குமாடி குடியிருப்பில் தனது பிறந்தநாளைக் கொண்டாடிய 40 வயதுடைய பெண்ணின் அடையாளத்தை பொலிசார் உறுதிப்படுத்தியுள்ளனர்.
அங்கு சில பெண்கள் பல்வேறு போதைப்பொருட்களை பயன்படுத்தியிருக்கலாம் என போலீசார் சந்தேகிக்கின்றனர்.
இரவு 11 மணியளவில் பல மருந்துகளை அதிகமாக உட்கொண்டதாகக் கூறப்பட்டதை அடுத்து மருத்துவர்கள் அழைக்கப்பட்டனர்.
பிறந்தநாளைக் கொண்டாடிய பெண்ணுக்கு மாரடைப்பு ஏற்பட்டு மருத்துவர்களின் முயற்சி பலனளிக்காமல் உயிரிழந்ததாகத் தெரிவிக்கப்படுகிறது.
மற்றொரு 43 வயது பெண் ஆபத்தான நிலையில் கோல்ட் கோஸ்ட் மருத்துவமனைக்கு கொண்டு செல்லப்பட்டு சிகிச்சைக்கு பின் குணமடைந்துள்ளார்.
உயிரிழந்தவர் பெண்களின் அதிகாரமளித்தல் தொடர்பாக சமூக ஊடகங்களில் பல உரையாடல்களில் ஈடுபட்டு வந்த பெண் எனவும், அதற்காக அர்ப்பணிப்புடன் பிரச்சாரத்தையும் ஆரம்பித்துள்ளதாகவும் தெரிவிக்கப்படுகிறது.
