தெற்கு காசாவில் இருந்து ஒரு பிரிவைத் தவிர மற்ற அனைத்தையும் திரும்பப் பெற்றதாக இஸ்ரேல் கூறுகிறது.
இதுவரையில் நிலவி வரும் மோதல்கள் தொடர்பாக இஸ்ரேலுக்கு சர்வதேச அழுத்தங்கள் அதிகரித்து வரும் நிலையிலேயே அவர்கள் இந்த நடவடிக்கையை எடுத்துள்ளதாக வெளிநாட்டு ஊடகங்கள் தெரிவிக்கின்றன.
படையினர் வெளியேறியமைக்கான காரணமோ, அதில் ஈடுபட்ட மொத்த துருப்புக்களின் எண்ணிக்கையோ வெளியிடப்படவில்லை.
இஸ்ரேலிய குண்டுவீச்சினால் பாதிக்கப்பட்ட தெற்கு காசா நகரின் கான் யூனிஸ் பகுதியில் வசிப்பவர்கள், இஸ்ரேலியப் படைகள் நகர மையத்திலிருந்து வெளியேறி கிழக்கு மாவட்டங்களுக்கு பின்வாங்குவதைக் கண்டதாகக் கூறினர்.
ஹமாஸ் போராளிகளை ஒழிக்க விரும்புவதாக இஸ்ரேலிய தலைவர்கள் கூறியுள்ளனர், மேலும் அவர்கள் தெற்கு காஸா நகரமான ரஃபா மீதான படையெடுப்பை தாமதப்படுத்துவார்களா என்பது இன்னும் தெளிவாகத் தெரியவில்லை என்று கூறப்படுகிறது.
எகிப்து எல்லைக்கு அருகில் ஒரு மில்லியனுக்கும் அதிகமான பாலஸ்தீனியர்கள் தஞ்சமடைந்துள்ள ரஃபா நகரை தாக்கும் திட்டம் சர்வதேச கவனத்தையும் ஈர்த்துள்ளது.
போர்நிறுத்தம் மற்றும் பணயக்கைதிகள் விடுதலை ஒப்பந்தத்தை எட்டுவதை நோக்கமாகக் கொண்ட புதிய சுற்றுப் பேச்சுவார்த்தையை நடத்த எகிப்து தயாராகி வரும் நிலையில் இஸ்ரேலியப் படைகள் வாபஸ் பெறப்பட்டது.
இஸ்ரேல் பிரதமர் பெஞ்சமின் நேதன்யாகு பதவி விலகக் கோரி இஸ்ரேலில் பாரிய மக்கள் போராட்டங்களுக்கு மத்தியில் இதுவும் நடக்கிறது.
