அவுஸ்திரேலியாவின் மொனாஷ் பல்கலைக்கழகத்துடன் புரிந்துணர்வு ஒப்பந்தம் ஒன்றை மேற்கொள்ள இலங்கை தயாராகி வருகிறது.
பயோடெக்னாலஜி நிறுவனத்திற்கும் ஆஸ்திரேலியாவின் மோனாஷ் பல்கலைக்கழகத்திற்கும் இடையே ஆராய்ச்சி மற்றும் புத்தாக்கம் தொடர்பான நடவடிக்கைகளில் ஒத்துழைப்புக்கான ஒப்பந்தம் கைச்சாத்திடப்பட உள்ளதாகத் தெரிவிக்கப்படுகிறது.
உத்தேச புரிந்துணர்வு ஒப்பந்த வரைவுக்கு இலங்கை வெளிவிவகார அமைச்சின் அனுமதியும், சட்டமா அதிபர் திணைக்களத்தின் அனுமதியும் கிடைத்துள்ளன.
இதன் மூலம், ஆராய்ச்சி மற்றும் சேவைகளுடன் கூட்டு முன்மொழிவுகளை உருவாக்குதல், புதுமையான தொழில்நுட்பங்கள் மற்றும் அறிவைப் பரப்புதல், ஆராய்ச்சி பொருட்கள் பரிமாற்றம், அறிஞர்கள், விஞ்ஞானிகள் மற்றும் மாணவர்களின் பரிமாற்றம் ஆகியவையும் நடைபெறும் என்று கூறப்படுகிறது.
மேலும், தொடர்புடைய இருதரப்பு ஒப்பந்தம் தொடர்பான வரைவு ஏற்கனவே தயாரிக்கப்பட்டு, கூட்டுறவு மாநாடுகள், பட்டறைகள் மற்றும் ஆராய்ச்சி தொடர்பான நடவடிக்கைகள் உள்ளிட்ட பல்வேறு செயல்பாடுகளும் வரைவில் சேர்க்கப்பட்டுள்ளன.
இரு தரப்புக்கும் இடையிலான புரிந்துணர்வு ஒப்பந்தத்தில் கைச்சாத்திடுவதற்காக இலங்கை கல்வி அமைச்சர் சமர்ப்பித்த முன்மொழிவுக்கு அமைச்சர்கள் சபை ஒப்புதல் அளித்துள்ளதுடன், மோனாஷ் பல்கலைக்கழக அதிகாரிகளுடன் இணைந்து பணிகள் மேற்கொள்ளப்படும் என இலங்கை அரசாங்கம் தெரிவித்துள்ளது.
