சிட்னியின் வெஸ்ட்ஃபீல்ட் நகரில் உள்ள வணிக வளாகத்தில் இடம்பெற்ற கத்திக்குத்து மற்றும் துப்பாக்கிச் சூட்டு சம்பவத்தில் 4 பேர் உயிரிழந்துள்ளதாக தெரிவிக்கப்படுகின்றது.
சம்பவம் தொடர்பில் கிடைத்த தகவலின் பிரகாரம் சம்பவ இடத்திற்கு வந்த பொலிஸார் வாள்வெட்டு சம்பவத்தில் ஈடுபட்ட சந்தேக நபரை சுட்டுக்கொன்றதாக தெரிவிக்கப்படுகிறது.
வெஸ்ட்ஃபீல்ட் மாலில் இருந்து மக்கள் ஓடிவருவதைக் காண முடிந்தது, மேலும் பலர் காயமடைந்ததாக உள்ளூர் ஊடகங்கள் செய்தி வெளியிட்டுள்ளன.
இச்சம்பவம் இன்று பிற்பகல் 3.45 மணியளவில் பதிவாகியதையடுத்து, பொலிஸார் அப்பகுதியில் பாதுகாப்பை பலப்படுத்தி அப்பகுதிக்குள் நுழைவதைத் தடுத்துள்ளனர்.
நடவடிக்கைகள் தொடர்ந்து நடைபெற்று வருவதாகவும், அந்த பகுதிக்கு மக்கள் வருவதை தவிர்க்குமாறும் போலீசார் கேட்டுக் கொண்டுள்ளனர்.
நியூ சவுத் வேல்ஸ் ஆம்புலன்ஸ் சேவை, தாக்குதல் நடத்தியவர் என நம்பப்படும் ஒருவர் பொலிஸாரால் சுட்டுக் கொல்லப்பட்டதாகக் கூறியது.
ஒரு குழந்தை உட்பட பலர் காயமடைந்தனர் மற்றும் குறைந்தது ஆறு பேர் மருத்துவமனையில் அனுமதிக்கப்பட்டுள்ளனர்.
