வடக்கு மெக்சிகோவில் தேர்தல் பிரச்சாரக் கூட்டத்தில் மேடை இடிந்து விழுந்ததில் ஏற்பட்ட விபத்தில் 9 பேர் உயிரிழந்தனர்.
50க்கும் மேற்பட்டோர் காயமடைந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
சான் பெட்ரோ கர்சா கார்சியா நகரில் நடைபெற்ற பிரச்சாரப் பேரணியில் மேடை இடிந்து விழுந்தபோது, அதிபர் வேட்பாளர் ஜார்ஜ் அல்வாரெஸ் மெனெஸ் மக்கள் மத்தியில் உரையாற்றிக் கொண்டிருந்தார்.
நகரை பாதித்த பலத்த காற்றின் காரணமாக மேடை இடிந்து விழுந்திருக்கலாம் என்று தான் நம்புவதாக ஜனாதிபதி வேட்பாளர் மேன்ஸ் சமூக ஊடகங்களில் ஒரு குறிப்பைப் பதிவிட்டிருந்தார்.
மக்கள் மேடையில் இருந்த போது ஒரு பகுதி இடிந்து விழும் காணொளி சமூக ஊடகங்களில் பரவி வருவதாகவும், ஜனாதிபதி வேட்பாளர் அங்கிருந்த மக்களை நோக்கி கை அசைத்து பாதுகாப்பான இடத்திற்கு ஓடுவதை காணக்கூடியதாக வெளிநாட்டு ஊடகங்கள் செய்தி வெளியிட்டுள்ளன.
மேடை இடிந்து விழுந்ததில் மேலும் பலர் சிக்கியுள்ளதாக அம்மாநில ஆளுநர் தெரிவித்துள்ளார்.
மெக்சிகோ ஜனாதிபதியும் இந்த சம்பவம் குறித்து தனது வருத்தத்தை தெரிவித்ததுடன், இறந்தவர்கள் மற்றும் காயமடைந்தவர்களின் குடும்ப உறுப்பினர்கள் மற்றும் அரசியல் ஆதரவாளர்களுக்கு தனது இரங்கலை அனுப்புவதாக கூறினார்.
மற்ற ஜனாதிபதி வேட்பாளர்கள் உட்பட மெக்சிகோவில் ஏராளமான மக்களிடமிருந்து பல இரங்கல் வெளிப்பாடுகள் பெறப்பட்டுள்ளன.
