அண்மையில் பெர்த்தில் உள்ள ஒரு வீட்டில் துப்பாக்கிச் சூட்டில் இரண்டு பெண்கள் உயிரிழந்ததைத் தொடர்ந்து, மேற்கு ஆஸ்திரேலியா அரசாங்கம் துப்பாக்கிகள் தொடர்பாக புதிய சட்டங்களைக் கொண்டுவர திட்டமிட்டுள்ளது.
அரசாங்கத்தால் அறிவிக்கப்படும் சட்ட மாற்றங்களின் கீழ், குடும்ப வன்முறையில் குற்றம் சாட்டப்பட்டவர்கள் துப்பாக்கி வைத்திருப்பதற்கு தடை விதிக்கப்பட உள்ளது.
பேர்த்தில் இடம்பெற்ற கொலையின் பின்னர், பாராளுமன்றத்தில் சமர்ப்பிக்கப்பட்டுள்ள துப்பாக்கி சட்டத்தில் திருத்தங்களை கொண்டு வருவது குறித்து பிரதமரும் பொலிஸ் அமைச்சரும் பரிசீலித்து வருவதாக தெரிவிக்கப்படுகிறது.
துப்பாக்கிச் சூட்டுச் சம்பவத்தில் ஈடுபட்ட சந்தேக நபரின் மகள், தனது தந்தையைப் பற்றி பொலிஸாருக்கு மூன்று தடவைகள் எச்சரிக்க முயற்சித்ததாகக் கூறினார்.
குறித்த நபர் உரிமம் பெற்ற துப்பாக்கி வைத்திருப்பவர் எனவும், அவரிடம் 13 துப்பாக்கிகள் இருந்ததாகவும் கூறப்படுகிறது.
மேற்கு ஆஸ்திரேலியாவின் மேல்சபையில் சமர்ப்பிக்கப்பட்டுள்ள இந்த மசோதா, ஒருவர் வைத்திருக்கக்கூடிய துப்பாக்கிகளின் எண்ணிக்கைக்கும் வரம்புகளை விதிக்கும்.
மாநில அரசாங்கத்தின் முன்மொழியப்பட்ட துப்பாக்கிச் சட்டங்கள் ஆஸ்திரேலியாவின் கடுமையான துப்பாக்கிச் சட்டங்களாகக் கருதப்படுகின்றன.
ஒருவருக்கு எதிராக குடும்ப வன்முறை புகார் அளிக்கப்பட்டால் உடனடியாக அவர்களிடமிருந்து துப்பாக்கிகளை அகற்றுவதற்கு புதிய விதிகள் காவல்துறைக்கு உதவும் என்று கூறப்படுகிறது.
