மெல்போர்ன் இரசாயன ஆலையில் அண்மையில் ஏற்பட்ட தீ விபத்தைத் தொடர்ந்து, சுற்றியுள்ள பகுதிகளுக்கு காற்று மற்றும் நீர் தர எச்சரிக்கை விடுக்கப்பட்டுள்ளது.
அந்த இடத்தில் இருந்து வெளியேறும் புகையால் நீண்ட கால பாதிப்புகள் ஏதும் இல்லை என்றாலும், அப்பகுதியில் தண்ணீரை பயன்படுத்தும் போது கவனமாக இருக்குமாறு மக்களுக்கு எச்சரிக்கை விடுக்கப்பட்டுள்ளது.
இந்த எச்சரிக்கைக்கு காரணம், தீயை அணைக்க அதிக அளவு தண்ணீர் பயன்படுத்தப்பட்டதால், ரசாயனங்கள் கலந்த நீர் பொதுவான நீர்வழிப்பாதைகளில் புகுந்ததுதான்.
எனினும், அந்த நீர் குடிநீர் வாய்க்கால் அல்ல என்பதால், வீடுகளுக்கு வரும் தண்ணீரை குடிப்பதால் ஆபத்து இல்லை என தெரிவிக்கப்படுகிறது.
ஆலைக்கு அருகில் உள்ள நீர் ஆதாரங்களில் ஏற்படும் பாதிப்புகளை முறையாக கண்டறியும் வரை அப்பகுதியில் உள்ள நீர்நிலைகளை அணுக வேண்டாம் என பொதுமக்கள் அறிவுறுத்தப்பட்டுள்ளனர்.
புதன்கிழமை காலை 11.20 மணியளவில் ஏற்பட்ட தீ 180 தீயணைப்பு வீரர்கள் மற்றும் 50 க்கும் மேற்பட்ட தீயணைப்பு வாகனங்களைப் பயன்படுத்தி பிற்பகல் 3.30 மணியளவில் கட்டுக்குள் கொண்டுவரப்பட்டது.
தீ விபத்து ஏற்பட்ட போது தொழிற்சாலையைச் சுற்றி ஏராளமான ரசாயனங்கள் இருந்ததாக விக்டோரியா மாநில அதிகாரிகள் தெரிவித்தனர்.
