மேற்கு ஆஸ்திரேலியாவின் கிம்பர்லி பகுதியில் இரண்டு ஹெலிகாப்டர்கள் மோதி விபத்துக்குள்ளானதில் இரண்டு விமானிகளும் உயிரிழந்தனர்.
காலை 6.20 மணியளவில் கம்பாலின் மவுண்ட் ஆண்டர்சன் அருகே கால்நடைகளைச் சேகரித்துக் கொண்டிருந்த போது புறப்பட்ட ஹெலிகாப்டர்கள் ஒன்றுடன் ஒன்று மோதியதாகக் கூறப்படுகிறது.
29 மற்றும் 30 வயதுடைய இரண்டு விமானிகள் சம்பவ இடத்திலேயே உயிரிழந்ததாக மேற்கு ஆஸ்திரேலியா பொலிஸார் தெரிவித்தனர்.
விபத்து குறித்து ஆஸ்திரேலிய போக்குவரத்து பாதுகாப்பு பணியகத்திற்கு தகவல் தெரிவிக்கப்பட்டு விசாரணை நடந்து வருகிறது.
ஆஸ்திரேலிய போக்குவரத்து பாதுகாப்பு பணியகமும் (ATSB) விசாரணை நடத்தி வருகிறது, மேலும் கான்பெர்ரா மற்றும் பிரிஸ்பேனில் இருந்து விசாரணைக் குழு சம்பவ இடத்திற்குச் செல்லும் என்று கூறப்படுகிறது.
இந்த விசாரணையின் போது பாதுகாப்பு பிரச்சினை கண்டறியப்பட்டால் உரிய தரப்பினருக்கு அறிவித்து விசேட பாதுகாப்பு நடவடிக்கைகளை மேற்கொள்ள தயார் என அதிகாரிகள் தெரிவித்துள்ளனர்.
