விக்டோரியாவின் Gippsland பகுதியில் 20 பாடசாலை மாணவர்களை ஏற்றிச் சென்ற பேருந்து ஒன்று காருடன் மோதியதில் விபத்து ஏற்பட்டுள்ளது.
இந்த விபத்தில் காயமடைந்த இருவர் வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.
இன்று பிற்பகல் 3.50 மணியளவில் இந்த விபத்து இடம்பெற்றுள்ளதாகவும், சம்பவ இடத்திற்கு பல ஆம்புலன்ஸ்கள் அனுப்பப்பட்டுள்ளதாகவும் சுகாதார திணைக்களம் தெரிவித்துள்ளது.
காரின் சாரதியான 39 வயதுடைய நபர் வைத்தியசாலையில் அனுமதிக்கப்பட்டுள்ளார், மேலும் அவர் ஆபத்தான நிலையில் இருப்பதாக தெரிவிக்கப்பட்டுள்ளது.
விபத்தின் போது பேருந்தின் சாரதி மற்றும் அதில் பயணித்த 20 பாடசாலை மாணவர்களுக்கு காயம் ஏற்படவில்லை.
விபத்துக்கான சரியான காரணம் இதுவரை வெளியாகவில்லை என்பதுடன், பொலிஸார் விசாரணைகளை மேற்கொண்டு வருகின்றனர்.
